別人名字，我的姓氏(上集): 25. 可怕嘅懲罰

大家一望，已經見到媽咪撓實雙手，雙眼著哂火咁
 
媽咪慢慢行到我身邊
 
係喎，Kelly係4C班，媽咪係佢班主任
 
「頭先…邊個話要見我?」
 
全場靜哂
 




「邊個話我個女係賤人?有冇同學聽到?」
 
然後好多隻手指住Kelly老母
 
「點呀Minnie姐，我企左係妳面前啦，有咩問題?」
 
「Jessie…即係咁….」
 
「程詩敏係我大女!有咩事要見我!!」媽咪終於公佈我同佢嘅關係
 




Kelly聽到佢槓上左自己班主任個女，即時好想搵窿捐
 
「Kelly妳話我個女偷左妳隻錶丫嘛?證據呢?邊個睇到?」
 
「Miss Lam…即係…我地見到佢拎住Kelly隻錶係洗手間走出黎…」
 
「咁樣就可以證明佢有偷野?」媽咪撓住雙手問返見到嘅同學
 
然後，姑姐係校務處到，拎出個保管箱
 




「Kelly，妳話小敏偷左妳隻錶嘛，係唔係?」
 
「小…小敏?」Kelly望一望我
 
「我係佢姑姐呀」
 
姑姐咁講，在場好多同學隻眼已經突哂出黎
 
「而且，校長係佢婆婆添呀」
 
咁樣講法，大家隻眼就跌埋落地下咁滯
 
姑姐係個保管箱到拎出果隻Gucci G-Timeless
 
「係唔係呢隻錶呀?」




 
Kelly好似有d心虛咁答姑姐「係……」
 
「唔知隻錶幾錢呢?」姑姐雙眼好凌厲咁望住Kelly
 
然後佢自己答
 
「Gucci G-Timeless系列，價值$9300，二手嘅話都值$6000左右」
 
$9300令全場嘩然，不過姑姐下一句仲過癮
 
「不過可惜丫，地攤貨，大約30歐元就可以買到」
 
下!?佢戴A貨架咋?
 




姑姐擰個錶背俾Kelly睇
 
「女人街貨黎架咋傻妹!!」然後拋返隻錶俾佢
 
媽咪同姑姐雙手撓實望住Kelly
 
「妳打算點做呀?」媽咪問
 
「呢…呢層…」
 
「妳都犯左好多條校規喎」
 
「係…」
 
「小敏，妳想點做呀?」姑姐拋返個波俾我




 
我揈一揈d頭髮「我程詩敏就最講道理架啦，交返俾婆婆決定」
 
然而，婆婆已經係附近睇到一切
 
佢慢慢行出黎
 
「校長…校長…」
 
果種氣勢，真係冇人學到
 
「Minnie妳想點解決呢件事?」婆婆直接打boss
 
「Miss孔…」
 




「妳大大聲咁話我孫女同新抱，就算係普通人，都唔應該咁鬧人」
 
「係…好對唔住」
 
「妳應該都知，佢姓程，佢爸爸係邊個」
 
「我知…」
 
「知嘅妳仲咁大膽!?」婆婆嘅恐怖終於露出黎啦
 
「係…」
 
佢地兩母女都低哂頭咁
 
「妳地自己講，犯左幾多條校規?邊一條校規?」
 
「最….最少三條」
 
「算唔算嚴重?」
 
「係…最嚴重果幾條」
 
「咁樣…」
 
婆婆轉個身望住佢地
 
「妳地想自行了斷定係想學校幫妳地一把?」
 
婆婆咁講得即係佢地只有兩個選擇
 
自己退學或者俾學校趕出校
 
終於Kelly都開始心急，睇個勢要佢自行了斷係冇可能，所以剩低一個選擇
 
而佢，當刻仲想向媽咪求救
 
大小姐嘛，始終想要返d面嘅，而且佢老母都係婆婆嘅學生，都應該有少少彎轉嘅
 
所以，我就做下好心，救下佢啦
 
「婆婆，唔洗趕佢走嘅」
 
大家唔可以相信我竟然想原諒佢
 
佢咁要面，俾人踢爆左戴假錶，已經得到教訓
 
姑姐聽到我咁講嘅時候，佢好似好了解我咁
 
佢係我身邊輕聲講「想大方俾所有同學睇呢?」
 
「反正而家都冇人夠我鬥」
 
婆婆望住我問「真係算數?」
 
「媽咪係佢班主任，佢呢三年都唔會好過，而且面子盡失，都夠啦」
 
「妳好彩，我孫女幫妳求情」婆婆轉身對住Kelly兩母女講
 
「係….多謝哂」
 
但係婆婆點會咁容易放過妳丫
 
「死罪可免，活罪難饒」
 
「係….」
 
「罰妳幫手打掃學校洗手間一個月!!」
 
嘩…呢下懲罰真係犀利囉