別人名字，我的姓氏(上集): 24. 我俾人屈偷野

 
其實，自己媽咪係自己學校嘅老師，一定唔會瞞得太耐
 
俾其他同學知道果時，會引起好大騷動
 
呢個我好清楚
 
因為當年姑姐都係咁
 
而我呢?就引起左大風波




 
果時，我係女洗手間大解放後，見到鏡前有一隻錶
 
睇一睇，隻錶仲要唔係平價貨，係Gucci G-Timeless系列
 
要知道Gucci G-Timeless系列以獨特的品味設計，打造出引領潮流的經典腕錶。
 
以金色配銀色的精鋼錶帶，結合了義大利設計美學與藝術氣息。
 
腕錶上採用了高硬度耐磨的藍寶石水晶玻璃，精鋼錶殼內搭配了品牌的象徵主題貓頭，簡約時尚，更富有濃厚藝術氣息！




 
邊個戴D嘅貴嘅錶返學校呀?差唔多成皮野架喎
 
所以我就拎去校務處，一入到去就見到姑姐，仲有友校嘅校長┌我認得佢係英皇書院嘅校長
 
「小敏咩事呀?」
 
「呀…我頭先係洗手間執到隻錶呀，因為佢好貴，所以我拎黎」
 
姑姐同幾個老師一拎上手睇




 
「嘩!!! Gucci呀!!!!邊個同學咁有錢呀!」
 
姑姐見到隻錶咁貴，所以就立即放係保管箱到
 
點知係第二日，我就俾人叫停左係到
 
「喂!!!妳呀!!!」一個中年婦人叫停左我
 
我應該唔識佢架喎
 
「妳做咩偷我個女隻錶呀!!!!而家有人見到妳偷野!!!」
 
「呀太太，我唔知妳個女係邊個喎，仲有妳而家冇證據證明我有偷野喎」
 




「一定係妳!!!有人見到妳係洗手間拎住我隻錶!!!」
 
我一望，原來係大小姐Kelly
 
「妳好快d嘔返隻錶出黎啦!!」Kelly果位更年期媽媽大叫
 
而佢嘅嚎叫引黎唔少同學黎睇戲(女校通常就係咁)
 
「我冇偷過喎」想我喊，係一件好難嘅事
 
佢地應該係想整喊我再攞彩
 
係好多同學私下討論下，有人出黎救我
 
呢個人唔係婆婆，唔係媽咪，唔係姑姐，而係小龍女




 
「我想請問兩位，妳地有冇實質證據，去證明程詩敏同學有偷妳地嘅財物?」
 
Kelly兩母女望住企係我身後嘅小龍女
 
「我地話係就係啦!!!」
 
佢地真係幾潑辣
 
「如果冇實質證據，妳地唔可以咁樣指控程詩敏同學」
 
「如果唔係佢偷!我食左本手冊都得呀!!!」
 
「我係有掂過隻錶呀，Gucci G-Timeless丫嘛」
 




Kelly聽到我咁講，立即好似高潮咁出哂水
 
「仲唔係妳偷?」
 
佢老母亦都立即附和「我真係想睇下妳老母係點樣!生到個女咁賤格要偷人地野」
 
我同小龍女對望
 
「佢想見我老母喎，點呀?」係時間將個波踢俾佢
 
「咩呀?佢要見妳媽咪喎，唔係我喎」
 
「穿架啦喎」
 
「遲早都穿架啦」




 
呢個時候，姑姐行到大家面前
 
「點呀?我係樓梯睇左好耐啦解決未呀?」(妳仲食左好耐薯片添)
 
Kelly首先發難「Miss CHEUNG，呢條靚妹偷左我個女隻錶，佢仲親口承認，呢到好多人聽到」
 
Kelly身後嘅西女人軍團附和
 
「呀….Minnie姐，叫埋妳姐啦，見我媽咪教過妳。咁妳而家想點呢?」
 
「至少要佢嘔返隻錶出黎，再報警趕出校啦!!」
 
佢地幾波有成竹
 
「哦，妳頭先唔係話要見佢媽咪，睇下佢咩樣，教到個女咁咩?」
 
「當然啦!!!!」
 
姑姐微笑左一下，果一刻，有陣冷峰出現
 
姑姐的微笑，往往帶黎恐怖嘅結果
 
「佢企左係妳地後邊」