別人名字，我的姓氏(上集): 10. 隊長現身

今日lunch後，我坐係課室到睇緊測驗成績，唔…中游份子
 
我嘅成績都還可以咁啦，不過仲可以進步少少嘅
 
坐係我身邊嘅Annabelle同我一樣，成績中上，但有時佢對自己成績唔太滿意
 
講返Annabelle先，佢屋企唔係有錢人家，住係d單幢私人樓
 
樣子非常可愛，似足淺倉唯
 




如果佢去到男女校，一定會引死班男仔
 
所以，我有意無意咁問佢
 
「喂喂，妳地點解揀呢間學校呀?」有個同學比我更快問起
 
佢地嘅答案不外乎：校風好、成績好、名校、入U比率高等等
 
到Annabelle時，佢嘅答案係
 




「下?冇呀，屋企幫我揀架咋」
 
「專登為妳揀女校呀?」
 
Annabelle點一點頭
 
「原因呢?」大家好八掛
 
「唔…可能俾人搞大個肚嘅機會細d掛」
 




大家聽到咁嘅答案就大笑
 
「而家仲有父母咁諗架!?」
 
Annabelle好怕羞咁點左下頭
 
「就算讀女校，都有機會識到男仔架啦」
 
「阿Belle妳係唔係獨生女黎架?」
 
「我……係呀」
 
「怪唔之得啦，妳係屋企嘅公主喎」
 
「公條命咩?家務咪又係要我做?」




 
「咁Jasmine妳呢?」終於問到我啦
 
「我?我媽咪叫我入黎架」
 
「妳又係獨生女果d?又怕俾人搞大個肚?」
 
「傻啦，我有兩個細佬。我媽咪同阿姨係到畢業，媽咪結婚後又住返西區，咪入左黎囉」
 
「哈哈，估唔到妳同學校咁有淵源喎」
 
俾妳地知道我媽咪係邊個，咁咪會嚇死妳地?
 
「係喎，妳排球隊上星期選拔有結果未呀?」我地講到Annabelle選排球隊嘅事
 




「唔…表現一般啦，入到就最好啦，入唔到都冇所謂嘅」
 
講完後，有排球隊成員黎搵Annabelle
 
「何嘉瑩同學，Annabelle」
 
我用手踭撞一撞佢「叫妳呀」
 
Annabelle去左同排球隊嘅姐姐傾左幾句後就好開心咁返到位
 
其他同學都圍住佢問咩事，只見佢非常開心
 
「成功!!入到C grade 排球隊啦 」 Annabelle笑住咁同大家講
 
一向有點變態嘅同學(包括我)一齊去用黃色笑話潤佢




 
「妳打波果陣呢，對波一定彈下彈下，引死人」
 
「左揈右揈」我係到做埋動作
 
「喂!咪咁變態啦」
 
大家嘻嘻哈哈咁坐低大笑一輪
 
「不過Jasmine呀，我地見妳體育堂打排球都好犀利下，妳唔入校隊呀?」
 
呢d問題又黎啦
 
「其實要我入校隊唔係唔得嘅，但係最好就….」
 




「最好就咩先?」
 
「最好就減少D功課先啦，又要練波又要溫書做功課，真係好煩架嘛」
 
「冇錯!!Jasmine咁講我絕對贊成!!!」
 
「不過有可能先算啦。哈哈」
 
「Annabelle妳幾時第一次練習呀?」
 
「星期五」
 
「哎唷~~~我想睇下妳著短褲打排球個樣呀」我又係到潤佢
 
「咩喎!!」
 
「條褲SIP住左係兩股之間，好吸引呀!!!!」
 
講變態，我地班真係一流
 
係我地成班同學依嘩鬼叫果時，排球隊又有人入左黎
 
除左頭先果位姐姐之外，今次仲有佢地嘅隊長
 
F.5嘅Isabella
 
佢果一下嘅氣好犀利
 
佢一入黎就好唔客氣咁搵人
 
估唔到，佢搵嘅會係我