別人名字，我的姓氏(上集): 9. 兩個詩敏

差唔多到學會嘅活動日，對於我呢D唔參加活動嘅人黎講，係非常得閒
 
兩個細佬已經搭校巴返放學，唔洗我趕落去湊佢地，所以我多左時間留係學校
 
不過除左Annabelle同幾個傾得埋嘅同學之外，我好少同其他同學傾計
 
因為程詩敏一向係高冷嘅代表，同張詩敏唔同
 
佢係毀滅一切嘅代表
 




有佢出現嘅地方，唔係薯片滿地，就係血流成河
 
所以佢教親嘅班，不論係唔係班主任都好，不論咩科，果班嘅英文一定係好高水平
 
姑姐係學校教三科：英文、英國文學同埋歷史
 
媽咪就教生物、化學、IS
 
我企係走廊睇人地打排球，突然，我聽到有人講
 




「Miss Cheung…」「Miss Cheung…」
 
睇黎姑姐就快游到，唔夠5秒，大白鯊已經黎到我身邊
 
「大白鯊」我好乖咁叫姑姐
 
「作死妳呀衰妹!咁叫我」
 
「挑~怕咩丫」我嘅性格完全同姑姐一樣咁滯，因為我細細個就已經痴實佢
 




「聽Miss CHAN講，妳係唯一一個冇參加課外活動嘅學生喎」
 
「唔啦，冇咩興趣，我寧願早D返屋企仲好」
 
「妳返屋企幫我湊女?」
 
「又要我過妳到湊埋慧思呀?」我真係有D唔想去
 
「咩呀!?我而家睇緊樓啦」
 
「做咩無啦啦睇樓呀?住宿舍唔好咩?」
 
「宿舍都唔係自己屋企」
 
「咁妳地睇邊到呀?」




 
「妳地屋企果到」
 
姑姐揀得，一定有目的嘅
 
「妳唔想煮飯咋?」我一早就知啦
 
「果然好聰明呀」
 
「同妳一樣叫詩敏，點會唔聰明呢?」
 
姑姐睇一睇操場「估唔到仲未有學生知道妳同學校嘅關係」
 
「低調D好」
 




「妳識咁諗就乖女啦」
 
「都係似姑姐妳者」
 
「婆婆……好似想幫妳安排課外活動」
 
「婆婆?」
 
「係呀」
 
「點解呀?」
 
「婆婆上星期問左Miss Lung，今年排球隊有冇有潛質嘅同學加入，佢第一個就答左妳出黎」
 
「咁佢應該有同婆婆講我唔想加入嘅事啦」




 
「佢有，不過妳知妳婆婆架啦，如果佢覺得妳適合，就會安排妳入去」
 
「即係迫我者」
 
「有時候，俾人迫下，會發揮出潛能呢」
 
「排球呀….唔……」
 
「點呀?想做大家姐呀?」
 
「姑姐妳以前都係大家姐呀」
 
「洗乜講?我同妳阿姨打橫行都得，而家我教妳，我招牌動作」
 




「咪揈一揈個頭咁樣」我扮姑姐扮得都幾似
 
「我張詩敏就最講道理架啦」
 
係我同姑姐傾緊計果時，佢目光突然好銳利
 
「操場果個!!妳!!!!」佢指住其中一個同學
 
「做乜野著長衫著波鞋!!!!!!!」大白鯊去咬人啦
 
操場果位同學真係驚到震咁
 
佢好快返去場邊換返對皮鞋
 
大白鯊，果然名不虛傳
 
係佢身邊真係冇學生敢作反
 
如果我同佢嘅關係公開左出黎嘅話，會點呢?
 
返到屋企，我拎左細個張相黎睇
 
明明我就係似媽咪，點解我會咁鍾意姑姐?
 
係唔係因為爸爸嘅關係?
 
我可以肯定，爸爸同姑姐之間一定有d特別
 
唔通…我係姑姐個女?
 
唔會唔會，姑姐係B型血，我係A型血
 
爸爸係A型，媽咪係O型
 
點解呢……點解爸爸一定要將我叫詩敏呢?
 
暫時仲未有人發現我個名同姑姐係一樣，不過應該好快就會有人問起
 
可能…仲快過我同媽咪關係曝光先