《我老婆唔係我女朋友》【那些年／九十年代學界／真人】 第七章全新中篇！: 【後記】 廿五年後（９）
我嘆一口氣：「唉～教書真係爽皮，放長假就去旅行…」雖然唔經唔覺我呢個姊妹嫁咗畀我個兄弟都十幾年，不過我都仲係好亂，姊妹嫁兄弟究竟係乜嘢玩法…
話說部router都是託我姊妹個老公，即是我嗰個做製作公司高層嘅兄弟跑山「跑」返嚟嘅。
「喂～做乜成日帶住呢條頸巾呀？你姊妹去旅行有買條名牌頸巾畀你做手信㗎。」可能講開我姊妹，老婆突然瞇起一線眼的詢我。我總覺得老婆有點呷醋阿姊妹成日都黐住我，雖然明明嗰個都係佢姊妹。
「呵，呢條頸巾老婆…呀係女朋友織㗎嘛，梗係日日帶住啦。啲名牌貨點及『溫暖牌』好呢。」有機會當然要賣口乖𠱁老婆了。實情是日日返埋啲鬼工，根本懶得襯衫；話說老婆少女時非常喜歡織嘢，手繩、頸巾、冷衫通通都有，不過後來要返工就無再織了。
老婆嘴角帶笑的輕哼一聲，白了我滿有風情的一眼，看來頗滿意我的答案呢。
這時餐廳播出張學友的《每天愛你多一些》，登時令我想起那些年，和老婆曾經共用一個耳筒來聽這日文原曲呢。向老婆眨眨眼：「誒～記唔記得幾耐無聽過呢隻舊歌呀？」我想她應該還記得那晚的情景吧。
誰知老婆不假思索的說：「咩呀，前兩日《流氓驚點幾可憐》烏蠅親自上去唱喎，你掛住打機無睇之嘛。」
我咕噥著：「喔…我…唔打機減吓壓，跳咗樓啦。」明明想懷緬過去，港女真係不解溫柔，枉我以前後生時仲讚佢係「甜品師傅」。