《我老婆唔係我女朋友》【那些年／九十年代學界／真人】 第七章全新中篇！: 【後記】 廿五年後（８）
唉～你以為扮買部新Router就可以順利偷渡入境嗎？大叔們，你實在太年輕、太天真了，今非昔比的港女，因為有FB/IG的加持，一早已經睇通睇透喇，對住張PS5高清相嚟逐個pixel數毛毛，點可能瞞天過海吖，俾人徵收懲罰性關稅就預咗喇，爭在睇吓判幾多轆嘅啫。
講開我家港女，當年結婚的唯一條件，就是要請外傭姐姐，原來佢係唔識煮飯的，以前咪又係俾佢啲自家製愛心曲奇「水」咗囉…又話Band 1女校係賢妻良母工廠嘅～不過除咗煮飯和小野蠻以外，其他各方面她都不錯的。梗係要戴返頭盔先，一陣佢趁我開工，落Order叫紅棍「做嘢」，我個五奶新歡隨時「被」跳樓或無故人間蒸發，香消玉殞～
當下真係食龍肉都無味。
「呀，你姊妹話祝你新年快樂喎，佢去咗日本過新年。」老婆繼續打擊我的求生意志。
想起人家可以親身喺日本過除夕，睇高清8K《紅白》直播，而我今晚就只能睇窒吓窒吓嘅Ytube盜播，仆街睇嚟都要出返個VPN account，真駁日本IP睇直播；連環不幸的是隨時因為未跑步而被拉閘封舗，睇都無得睇，兼且仲有機會誅連新歡，心情可以好得去邊呢？