《我老婆唔係我女朋友》【那些年／九十年代學界／真人】 第七章全新中篇！: 【第八章】 博士大叔（１）
博 士 大 叔
星期四黃昏約了阿心在地鐵站等，一起出發去沙田火車站，她是一貫的返學look，而我特別提她要帶件外套防風。
「有無同妳阿爸申請今晚可能睇通宵喎。」佢老竇唔畀佢兩姊妹在外面過夜的。
「有呀，佢知道我同你去就無反對嚕。」看來放假期間開舗這件事對我的形象大有裨益，未來OO都放鬆管制了，辛苦啲都是值得的。
去到沙田站A出口，在巴士總站旁邊果然找到【山大】的校巴，校巴上有個天文學會的幹事在核對入場劵，不消15分鐘就到【山大】校園了，幹事指示我們在一座叫BF的大樓下車，馬上又有另一個幹事帶我們到BF地庫登記，告訴我們稍後在這裡聽天文講座。
一個倘大的活動室在牆上貼了宣傳海報——「英仙情流黑五夜」聯大燒烤晚會，我見到海報下面寫著主辦單位，分別為【山大】幾家書院的天文學會，看來今晚實在是幾個字頭的天文學會集體籌辦的活動，順道邀請其他院校參與，先內聯再外聯。
完成登記，拖著阿心想找個位先坐下，已經見到個熟悉的面孔，一馬當先怪叫著衝過來。