《我老婆唔係我女朋友》【那些年／九十年代學界／真人】 第七章全新中篇！: 【第八章】 生活情趣（４）
阿心聞言滋油的指指電話下面放有另一本記事簿，原來所有批發商的聯絡都在裡面了，一般供應商都是月結甚至季結都有，而保鮮期短的貨物，例如鮮奶之類，都有回貨的安排，反正只要做好庫存管理，每次入貨回貨寫清楚紀錄就成了。
「呵，原來唔係咁難咋喎，我仲以為好似IM咁多麻煩嘢添。」Inventory Management是我們其中的必修科。
阿心沒好氣的說：「後欄個倉一眼睇晒啦，邊使IM呀，癡線仔嚟嘅。嗱，你而家學滿師喇，又咁叻仔識得自己做生意喏，你幫我看舗嘞。」
「吓，噉妳呢？」
「我咪放暑假囉，唔係要個男朋友做咩呀。」她好整以暇懶洋洋的說。
晚上到麗池開工，Lulu又是杳無縱影，似乎她已經習慣逢星期五才會現身，不過反正她只是參與校內圍威喂比賽，誰管她認真不認真練習。
為了游「班際、社際」比賽，搞到好像備戰奧運一樣，同學間意氣之爭如同殺父仇人，單憑天才二字勝過刻苦訓練，看來只有那些離地的小說和電視劇才夠膽寫出這樣的橋段…
是晚收工回家打給Leon，請他回覆阿腸我倆可以出席，那知道他不等我通報，一早已經自行通知了阿腸我們會參加了。
「你無搞開活動唔知啫，早啲通知人預人數嘛！」Leon理直氣壯的咆哮著。
「我鬼識咩，不嬲你先係搞屎棍嘛。」我根本對這個自殺活動無甚興趣。