《我老婆唔係我女朋友》【那些年／九十年代學界／真人】 第七章全新中篇！: 【第八章】 條粉皮係有啲嘢嘅（２）
想來我那時正值全力備戰，無精神在上堂時看吧（上堂多數在瞌眼瞓）。又再揭一下最近的那期，是上星期7月26的32號（週刊少年ジャンプ93年32号），呿～轉眼間《入樽》已經講到湘北輸咗，櫻木開始3天特訓【137話 3 DAYS】，《龍珠》就開始唔好睇了，又玩天下武道大會？！【四百三十話 ドラゴンチーム集合！！】。
「哦，好吖，留喺度我睇完用嚟包垃圾囉，噉我借隻碟你聽。」說好了交換禮物，我自然也禮尚往來了。我將昨天買的《真夏の果実》拿出來，反正阿心仍未回來，暫時也未需要回禮。
用當時得令的連載《龍珠》、《入樽》、《JOJO》、《幽遊白書》，而且還是最新的貼市期數來包垃圾，我們都算得上是奢侈了。
「啊，咩嚟㗎？」
「你聽下就知啦，好嘢嚟㗎。」我也懶得解釋，看來Leon也沒有留意這張熱門的炒碟。
他飲完剩下的半支汽水再說：「呀，上次去Big John時咪撞到個女人想搵Lulu拍廣告嘅，我check過佢間公司都算薄有名氣喎，應該信得過。」
「哦，你唔直接同Lulu講？」我幾乎已經忘記了這件事了。
「唏，無端端call佢講兩句，好似好怪噉啦。佢去你度練水嘛，你講佢知囉，姊～妹～」九成又是大喇叭爆畀Leon知那番姊妹論。