《我老婆唔係我女朋友》【那些年／九十年代學界／真人】 第七章全新中篇！: 【第八章】 足球狂熱（２）
她一邊擔住飛煙，一邊在飲汽水（又用貓蝨飲筒），我見收齊錢又未有其他客，遂又搭起訕來：「話時話，點解妳咁熟啲煙仔嘢呢。」我好奇的問她，事關一般煙民都是食開邊隻熟邊隻，好少會清楚各種香煙的售價。
可能輸咗麻雀，心情極度不爽，她橫了我一眼加送西面一記。「哦，我喺廣告公司兼職市場調查嘅，啲煙款同價錢都識背嚕，反而你男人之家唔食煙就有啲奇怪啫。」
那些年因為資訊未算發達，想知道產品受歡迎程度和市場定位，甚至研判售價，都需要大量人手去做市場調查，因為入職門檻較低，所以這類兼職相當流行，不過以大專生的學歷去做就比較少了。這類靠電話或街頭訪問的市場調查，可說是今天Cold call和街頭推銷的雛型。
「啊～係啦，咁型我都想食㗎，但我氣管弱呀，所以醫生要我戒囉。得啦，我食妳二手煙頂癮夠㗎喇。」當年練水關係，老坑禁止我們抽煙，所以一直也未有食煙的嗜好，佢教我哋萬一有人叫（請）我哋食煙，就這樣「婉拒」人的，既不怕得失人又不失霸氣。但仆佢個街，個死老嘢自己又食煙喎！
這時開始多人來買嘢，港女筠也都飲完就走了。接連來的幾個大叔，奇怪接二連三都是買煙、啤酒、花生，門小你唔止三重彩，三T都有得中呀（嘿～那時候還未可以投注三T的，要過多兩年才有）。然後有細路和阿毛嚟到，想買雪糕和鮮奶，我就無貨賣了，事關我未學識怎樣入貨，所以新鮮食品都一律欠奉。