《我老婆唔係我女朋友》【那些年／九十年代學界／真人】 第七章全新中篇！: 【第八章】 街坊女神傳說（２）
我門小你租乜嘢先得㗎，租咸碟乎？話說那些年VCD才剛開始興起，喺旺角【好景】街頭叫賣嘅「四級教父」，用粗獷磁性的聲音演繹「喂～四樓有四仔」（後期台詞改了四樓有四級），正是我們當時的潮語，我和阿心久唔久都會篤住魚蛋去觀摩吓佢主演嘅talk show「睇四級，醫風濕」。嗱，唔係觀摩啲碟呀吓。
「四級教父」（我們以前叫四仔羅文）真人發聲
https://www.youtube.com/watch?v=7aIn_TjIsIo
麗閣班爛鬼八畀我知，「四級教父」叫細寶，平日多在油、旺、太子出沒，正職是「老童」，在【好景】的talk show是其中一份兼職，他還有斜槓身份在太子站B2出口做「孝子」（阿心在【聯合廣場】補習，所以我們時常撞到他開工）。此君其實頗有文采，工作（指talk show）亦相當賣力專業，在他的talk show中出現的金句可謂集精警、押韻和潮流於一身，我敢保證可以媲美「花盆𠺘口」條粉皮。「有窿仔、有棍仔，剩係無格仔」、「靚仔買四仔，借畀老竇睇，阿媽都話你孝順仔」、「唔係老作，男嘅夠搏女嘅夠索」、「四級無格，好睇過還珠格格」、「擺低一舊水，帶走五條女」、「寧願食少餐，咸碟錢咪慳」；其中我都鍾意對阿心說「埋嚟揀、埋嚟睇，睇完條囡唔扭計」，可是轉頭就俾人當街扭耳仔和用魚蛋竹籤穿脷…
你又記得佢邊句對白呢？
「誒…唔好意思，我新嚟真係唔知你想租乜嘢。」我一臉茫然的說，按照太子女的吩咐，唔知就要問囉。
「呵，你哋有麻雀租㗎，廣東牌連麻雀枱30一天，台灣牌連麻雀枱50一天，用【神都】學生證抵押唔使按金㗎。」今次女的搶著答，似乎麻雀蟲都有份咬佢隻手。
「哦…噉想打廣東牌定台灣牌呢？」我一副原來如此的表情。
闔家祥，邊有人咁幸福㗎，不單止唔使返暑期工，仲有時間游乾水，可憐我日日游濕水游到風濕。
「廣東啦，租兩日，你星期三開舗我哋嚟還啦。」那女生順口答道。