《我老婆唔係我女朋友》【那些年／九十年代學界／真人】 第七章全新中篇！: 【第七章】 星 探（３）
那位40多歲的中女聞言從手袋掏出名片。「其實我係廣告製作公司嘅，啱啱幫客人籌劃緊啲宣傳，正話見妳試衫，發現妳同我哋個客嘅品牌形象非常匹配，想睇睇妳有無興趣拍廣告啫？」
「吓？我？誒…」Lulu一時間消化不了這個消息，居然閃身躲到我後面：「我…阿仁呀～」
一時之間幾位相關人士都轉移望著我，那中女帶著疑惑的目光打量我倆的關係，而Leon則憂心我如何應對。
你見過一條狗發惡準備咬人的模樣嗎？事後Leon告知，我是如何完美演繹這個凶相。
㗅…我想收工啫，又想點呀。眼睛可噴出火，頭髮根根豎起，咧口牙根外露，那一刻幾乎要爆氣變超級撒亞人！正準備開拖噬個中女阻頭阻勢之際，Leon橫伸手臂擋在我前面，向我眨眨眼，示意由他處理。
「啊哈，妳好呀，其實Louisa啱啱幫我哋公司做緊Job，我哋今日都係嚟幫佢試造型嘅。呀，唔好意思，呢張係我卡片，我叫Leon。」Leon說著並同時雙手遞了張卡片給中女，他隨身也有帶著他家姐公司給他的「臨時」卡片，頓了頓繼續說。「佢兩個今日開工開咗成日，都攰到不得了。呢個PA仲慘，通咗頂兩晚喇，不如我幫佢哋收咗妳嘅聯絡先，之後Louisa有興趣再叫佢搵妳吖。啊～妳係潘小姐。」彷如交換卡片一樣，Leon順手接過了中女的名片，避免她一直遞著手無人接的尷尬情況。
「呵，原來佢幫你哋做緊嘢。噉好啦，唔阻你哋先，睇吓將來我哋公司之間有無機會合作吓？」可能怕了我的殺人犯氣場，中女寒暄兩句後，也知情識趣的告退了，臨走前還故意提一提Lulu：「希望好快有機會合作啦。」
Lulu反常地帶點靦腆的向她說再見。