《我老婆唔係我女朋友》【那些年／九十年代學界／真人】 第七章全新中篇！: 【第七章】 星 探（２）
「喂，我鍾意呢條喎，夠涼爽又舒服。」她一出來就跳跳紮的大叫大嚷，頓一頓又說：「你哋睇我踎低起身都好方便喎。」還不顧儀態的即時踎低做測試。
「喂，仆…頂你睇住走光呀！」我叫也叫不及。
幸得Leon一閃身已經擋在她前面，身影稍稍遮掩著她兩腿之間的那三角位置，並順手拉她站起來。
「小姐呀，著短裙就唔好咁大動作啦，拉返好條裙先啦。」Leon輕輕的對她說。
「嘻，怕咩喎，你喺度睇住嘛。」Lulu嫣然一笑。
我那異樣的感覺愈加強烈，硬是覺得好像有點甚麼正在蘊釀中。不過看來Leon照顧這件「蒸生瓜」也相當稱職，還好今天有叫他來幫忙。
「鍾意呢條就拍板啦，快手換返衫畀錢喇，好嘛。」我歸心似箭，從未有一刻那麼想念家中睡床。
「嗯～但我又想試多次條褲喎，我都有啲鍾意啊。」Lulu扁嘴有點猶豫不決。
「不如買咗條裙先，一陣去食飯再諗吓買唔買埋條褲囉，好唔好？」Leon瞄見我一臉殺人犯的面相，再次插口打圓場。
「又好，都係你識貨。」「蒸生瓜」轉身一步一跳的返回試身室。
終於押解Lulu去到櫃台畀錢，見眼成功在望，正在等候包裝時，突然橫生變化。
「欵～小姐，唔好意思，我見妳試啲褲同裙都好靚喎，方唔方便傾兩句呀。」剛才有份圍觀的其中一位女士在櫃台跟Lulu搭訕。
「啊？可以呀姐姐。」Lulu見有人讚她，醒目的賣口乖。