[少甜][愛情][校園][真人真事改編] 自從我爸爸過左世，我遇上左佢: 37

陸運會完左之後連住有三日既假放，呢幾日不外乎都係喺屋企hea同出去打下波。
然後到星期一就係A grade學界小組賽既最後一場。
前面兩場小組賽都贏哂，我地既士氣都大增。
喺第三場比賽開始前，我地發現原來呢間學校前兩場都係以領先30分咁贏。
講真，係有啲可怕。
到底火力有幾強先至可以領先30分咁贏?
話哂YMSS都係前冠軍隊伍，咁樣比人打爆，我地都有啲驚。
「喂你地唔好咁既樣啦，YMSS我地又唔係未贏過，我地冇刷到分咋嘛。」牧楓喺我地拉筋既時候講。
確實，除左我之外，佢地個個既面色都唔係幾好。
「牧楓講得岩，雖然對面係以大比數咁贏YMSS，但大家唔好唔記得我地都贏過YMSS。」Henry盡顯隊長本色。




「同埋大家要記住，我地仲有周喻希呢個王牌，我地一定贏!」Henry繼續講。
我屌你咩，咁樣比高帽我戴，on9?
之後我地拉哂筋就準備開打。
對面隊既平均身高都好高，我得167，望住佢地好似巨人咁。
But who fucking care? 咪又係會比我打爆。
點知根本冇呢個機會，唔知點解教練冇比我打首發。
場上既五個人都呆哂，我都唔知發生咩事。
「點解我冇得上場?」我問教練。
「我想睇下對手既打法先。」教練好認真咁望住場上既情形。
對面五個人都好高，但感覺好似冇投射既能力咁。




因為好多wideopen既機會佢地都冇把握到。
然後就不停用自己既身高體重去食我地隊。
打左半節，教練終於問我野 : 「你覺得你上場，守唔守得住對面既高佬?」
「有幾難? 你唔好睇少我既力量。」確實，由細到大我已經習慣守一啲比我高大既人。
之後佢就換左我落場。
對面好似以為我地放水咁，用手勢做左個isolation既動作。
指明要單打我? 屌你老母運球咁高，睇少邊個?
我加速向前抄截，直接斷左要單打我嗰條友既波。
我諗大家都知道，快攻我係唔會炒波。
對面繼續都係想iso我，佢想用背打既方式，爆入去內線。




我前面都有講，我既力量係唔會輸，佢根本撞唔郁我。
佢夾硬轉左個身想投籃。
唔好睇少我彈跳，加上我多年既防守敏銳既感覺。
直接將佢既投籃封蓋。
果然贏YMSS 30 分都代表唔到啲咩，咪又係比我守爛。
作為進攻既萬花筒，我喺進攻既時候又突破又射波，佢地根本守唔住我。
「同我守住對面個11號，佢咁矮你地都守唔住? 又打唔入? 」對面個教練好兇狠咁屌佢地。
喂，其實唔洗咁架wo，真係唔係佢地廢，係我太勁啫。
嘻嘻，我當然冇咁樣講出口啦。
就係咁，我以25分10籃板11助攻 (生涯首個大三元)，打爆左佢地，以小組第一出線。
可能你會懷疑，10籃板? 冇計啦，跳得高就係任性。
「周喻希!」係天恩。
冇錯，打完學界覺得唔夠既我約左天恩出黎打波。
其實最近我都約過佢幾次。
佢技術唔錯，又同我好岩傾，所以我幾享受下。




(同埋佢幾靚女)
或者我天生就係一個姐控，我特別鐘意同大過我既女仔相處。
之後我地又係一齊射下波啊，做下啲訓練drills。
「咁勁! 我都未試過大三元。」天恩聽到我講今日嗰場既數據，好驚訝咁。
「可以架你! 話唔定你下場就大三元~」我鼓勵佢。
「咁sweet架你~人仔細細就咁識哄女仔開心~」天恩笑住咁講。
不得不說，佢既笑容真係好甜。
如果我冇詠兒姐姐呢個女朋友(仲有夢兒姐姐)，我一定會想同天恩拍拖。
我地練多左一陣就坐低唞下，始終我今日打完比賽，成個人都有啲攰。
啊仲有，我應承左佢會去睇佢下場學界。
之後我地就返屋企 (各自各)。