[少甜][愛情][校園][真人真事改編] 自從我爸爸過左世，我遇上左佢: 36

過左lunch time之後都係一直喺度等最後既頒獎。
到底我100米係咪真係輸左比張嘉鴻嗰條垃圾?
我都幾肯定連佢都唔知自己贏定輸。
老實講，諗返起岩岩打佢嗰幾拳都真係幾爽。
「喂小王子! 」梓軒過左黎我地社。
係wo，過左咁耐都唔記得左佢。
佢着住件綠社社衣過黎，個個紅社既人都想打佢咁。
傻仔，褸都唔着返件就過黎。
咦，佢隔離嗰個咪... 思穎?
佢地又會一齊過黎都有。




「點啊，你報左啲咩項目。」我問。
「800米同1500米囉，哈哈，啲人跑到一半同行路冇分別。」咁聽落佢應該有獎拎。
思穎一直都冇講過野，應該話係冇同我講野。
反而佢同梓軒有講有笑咁，搞到我好似局外人咁。
好快就到左頒獎既環節，我同梓軒都落左去等拎獎。
「C grade，男子組100米...」我手心出哂汗。
「亞軍...」屌你老母，唔好嗌我個名啊屌你老母!!!!!
「張嘉鴻!」屌你老母!!!! 我得左啦屌你老母!!!
我以一個勁囂張既眼神望過去張嘉鴻個邊。
佢望落好驚，似乎係驚我會再過去打7佢。




驚青到行過去拎獎都仆下仆下咁，笑到我傻左。
果然，我周喻希係唔會輸比呢啲垃圾。
「冠軍... 周喻希!!!」我聽到我個名之後，看台上面既紅社叫到我隻耳仔差啲聾。
佢地好似仲開心過我咁，痴鳩線。
最後，100米，200米，跳高都比我拎哂冠軍，仲拎埋全場總冠軍。
題外話，紅社社接喺我同另一個田徑隊既人帶領下拎埋冠軍。
第二日既陸運會就係咁樣完滿結束，攰到我仆街。
咪住... 未完...
一放學嗰時，我先意識到... 又要比人捉住影相。
正當我諗住用我100米冠軍既速度跑走既時候。




「周 喻 希!!」係夢兒姐姐把聲。
我轉過頭望住佢，用一個尷尬既笑容回應。
夢兒姐姐叫得我，我都冇理由停低。
「你尋日冇同我影相，今日諗住偷走? 你都大膽啦。」夢兒姐姐用一個不友善既笑容望住我。
結果就係，我比夢兒姐姐同詠兒姐姐輪住咁影左唔知幾多張相。
當佢地放走我既時候又有一大堆明明都唔鳩識既人揾我影相...
明明四點幾已經放，我比人活生生拖住到6點幾先走得。
「唔好咁灰啦，你黎慶功宴架可?」社長同其他社員就執野執到6點幾。
「慶功宴? 咩黎架?」我疑惑中。
「你唔係話要我地請你食野你先肯跑咩? 我地一陣就去食放題架啦，你黎唔黎?」社長問。
「免...免費既?」我個肚已經打哂鼓，有野食就梗係去啦。
「當然啦!」社長笑住咁講。
「去! 我一定去!」我隻眼發哂光。
就係咁，我陪佢地執埋剩低既手尾就一班人一齊去食放題。
呢班人入面其實好多我都唔識，識既就得社長，副社長，仲有阿鋒。




食飯嗰時大家都有講有笑，其實佢地都幾照顧我下。
另外，唔知大家仲記唔記得我前面提過，副社長咪好似社長既跟班既?
原來佢地係情侶黎，佢地最近一齊左。
食完放題佢地話去飲酒，兒童不宜既野我就話我唔去啦，佢地都冇為難我。
一個人返去既時候特別孤獨同失落，由其是熱鬧過後。
不過正正係個可以反思既時候。
你問反思啲咩? 當然係...
我同詠兒姐姐同夢兒姐姐既關係啦。
講左咁耐，我都仲係唔知自己諗緊咩。
唉...