[少甜][愛情][校園][真人真事改編] 自從我爸爸過左世，我遇上左佢: 35

第二朝，夢兒姐姐等埋我先一齊去運動場。
因為社既野都已經安排好哂，所以我地好sweet咁一齊去。
今日就係100，200米既決賽，其實係有少少緊張，始終我勝負慾好強。
如常咁等下等下，終於到左我100米既時候。
「加油啊希希~」詠兒姐姐一如以往咁支持我。
我鍚左佢一啖之後就落左去準備。
雖然隔得有啲遠，但我都隠約喺下面聽到紅社既人嗌緊我個名。
我望左一下左右既對手，都係唔識既人。
「ready, get, set, go!」我照樣都係一聽到就向前直衝。
100米既路程好短，過左一陣就已經衝到終點。




我隻腳用盡哂力去爆，跑完我已經冇咩力企喺度，坐左喺地下。
我唔知自己有冇贏到，因為隔離嗰條友好似都幾快下。
「哈哈，周喻希! 我贏左你啦!」隔離嗰條on9仔行過黎同我講。
下，我會輸比呢條智障仔? 有咩可能?
我冇理到佢，自己行番上去看台，因為200米決賽仲有段時間。
「希希! 你跑得好好啊!」詠兒姐姐見到我上番黎即刻笑住咁講。
「我拎第幾名?」我行埋去社長到問。
「我都唔知，你同隔離社嗰個好接近，我都睇唔清楚。」社長聳一聳肩咁講。
唔通我真係輸比嗰條垃圾? 一諗起佢個樣就想打7佢。
因為名次會喺頒獎嗰時先知，所以未到最後都唔知結果。




唔理啦，唔可以比呢件事影響心情。
等下等下又到左200米決賽。
呢次我隔離線又係嗰條垃圾。
「喂周喻希，又要贏多你一次。」佢真係好撚串。
「係呢，楊夢兒真係好撚正，如果你200米輸埋比我，就幫我手落藥搞楊夢兒?」佢見我冇理佢，繼續挑釁我。
如果佢剩係串我，我冇所謂，但佢意淫夢兒姐姐，我就唔可以忍!!!!
「喂廢柴!」我指住佢嗌佢。
「哦? 原來你唔係啞架?」佢好輕挑咁講。
「好啊，我答應你，但如果你輸左，就比我任打五分鐘，講明先，我真係會打到你條垃圾入院。」我眼中只有怒火。
「黎囉，我一定食硬楊夢兒。」佢個樣我真係好想屌臭佢。




我會喺比賽上屌臭佢。
「ready, get, set, go!」又係熟悉既聲。
200米唔同100米，路程長成倍。
但宜家我既腦海只有條7頭喺度意淫夢兒姐姐既樣。
真係好嬲!! 好嬲啊!!!!!
我不停咁向前衝，提腿既速度不停咁升。
我要贏!!!! 然後打到條7頭起唔到身!!!!!!!
最後衝線之後，條7頭離我仲有兩個身位。
「哈哈，準備好比我打足五分鐘未?」我用手捉起左佢。
「sor...sorry啊大佬!!! 係小弟我亂講... 啊!!!!」我冇理佢講咩，一拳就打左落佢個肚到。
呢拳我打得好重，佢噴哂口水出黎。
我冇放過佢，再打多左一拳，然後又一拳。
每一下都係勁重。
「你做乜野啊! 放手!」係側邊既老師見到我好似癲左咁打呢條7頭，即刻過黎阻止我。
我既理智線仲未斷，聽到老師黎之後即刻放手。




「周喻希! 你做咩打張嘉鴻啊!」係隔離班既Miss Choi，睇黎佢應該係呢條垃圾既班主任。
「冇，佢話想同我試下拳擊啊嘛，我咪同佢玩下囉，你話係咪啊? 張嘉鴻?」我特登加重左嗌佢張嘉鴻既聲。
「係... 係啊Miss Choi... 係我自己衰仔揾佢玩拳擊。」佢由趴喺地下，爬返起身。
「係囉Miss Choi，佢自己都話係佢揾我玩，咁關 唔 關 你 事 啊!」我既語氣勁惡，因為我真係好唔爽。
「周喻希，今次算你好彩，你唔好比我見到有下次。」佢講完即刻帶住個張嘉鴻走左。
而我就怒啤住個張嘉鴻，表示佢走遲半步我就殺左佢。
就係咁，我返左上看台到休息。