[少甜][愛情][校園][真人真事改編] 自從我爸爸過左世，我遇上左佢: 18

「bb，咁你都上番去先啦~夜啦。」唔經唔覺都過左幾個鐘，成十一點幾。
「我唔鍚得我bb啊。」我攬實詠兒姐姐。
「咁我都要返去架嘛，況且我地聽日都可以見。」詠兒姐姐喺我懷裡講。
「咁好啦，我要鍚鍚~」我嘟一嘟嘴。
「Mua~」詠兒姐姐鍚左落黎。
好甜，唔止詠兒姐姐個嘴好甜，我個心都甜哂。
之後我地拖住手咁行左去送詠兒姐姐搭的士。
「返到去記得話我知啊!」我喺佢臨上車前鍚左佢一啖之後同佢講。
「知道啦希希豬~bye bye。」我地互相揮揮手，望住佢架車走左我先走。





返到上樓之後我換左套衫就入房。
夢兒姐姐? 嗯，仲喺房。
有詠兒姐姐愛情既滋潤下，我個心都冇再咁痛。

詠兒豬 : 我返到啦~
我 : 好啦，早啲訓啊 bb
詠兒豬 : 知道啦，你都係啊bb
我 : 早唞~
詠兒豬 : 早唞!





同詠兒姐姐傾左陣計就謹記要教好鬧鐘。
之後就倒頭大睡。
唔知係太攰定點，一合埋眼就已經訓着左。
平時好少會咁，通常都會諗好多野，之後先攰得濟訓着。
第二朝都好彩準時起到身。
換好衫我就已經返學，但成程都冇見過夢兒姐姐。
佢仲訓緊? 定佢已經返左學? 
唔理啦，佢都唔會理我既。
我冇約到詠兒姐姐一齊返學，因為其實唔岩路。
所以我就一個人自己返去。




返到去都係去自己個位到自閉。
直到小息嗰時，先見到我最愛既詠兒姐姐。

「bb，今日我地一齊食晏?」詠兒姐姐翹住我講。
「梗係好啦bb~不過你唔怕比人見到咩...」我其實幾享受。
「唔驚! 最重要係我地開心啊。」詠兒姐姐睇落真係好開心下。
「err sorry，我想借你個周喻希黎講兩句。」我望一望後面，原來係阿鋒。
詠兒姐姐聽到佢咁講有啲唔高興，不過都係叫我去傾野重要。

「做咩?」我唔係幾耐煩。
「你今日會打架何?」阿鋒問。
打? 噢 !!! 仆街啦屌。完全唔記得左今日要打社籃。
「呃... 我唔記得帶野。」我呢刻知道，含撚了。
「咁大獲? 咁點搞啊，放學就開打啦wo。」阿鋒o哂嘴。
「sorry啊。」我道歉。




「你返唔返得切屋企拎先?」阿鋒問。
「我來回都要至少一個鐘...」我無語。
「咁一係咁啦，社衣同褲我幫你搞掂，你揾唔揾到對鞋返黎先?」佢問。
我打開左銀包，都仲有千幾蚊既，叫做可以買對鞋囉。
唉，呢到係我成個月既零用錢啦，不過我本身都有諗住買鞋。
「可以既，我放學去隔離商場買對鞋。」唯有係咁。
「咁我到時盡量拖時間啦，lunch time我會擺套衫褲喺你枱到架啦。」佢講完就走左了。
「做咩事啊bb，佢揾你做咩。」詠兒姐姐擔心。
「冇啊... 我大頭蝦唔記得今日社籃，一陣要臨時去買對鞋啊。」我嘆左口氣。
「咁大頭蝦架bb。」詠兒姐姐拍左下我個頭。
「咪就係因為尋日有人鍚到我忘哂形囉~」我喺詠兒姐姐耳邊到講。
「哎啊!!! 好衰啊你!!咁樣調戲我!!」詠兒姐姐好細力咁喺咁拍我心口。
我地打情罵俏多一陣佢就要返上去班房啦，因為小息完lu。

之後lunch time 就同詠兒姐姐好sweet咁一齊食。




返到去課室果然有阿鋒幫我準備既衫褲。
hea埋剩低嗰兩堂之後一放學我就沖走左去買鞋。
我用最快既速度跑左去附近既嗰個商場。
我仲記得上次同思穎睇既嗰間運動舖。
行去籃球專區，終於揾到對紅黑既rose3。
問左問個sales，真係天助我也，有我既size。
講真，一路等佢拎新貨，我個心就一路好快咁跳。
仆街 !!! 可唔可以快啲啊。
雖然我已經好快咁黎，但場比賽應該好快開始，或者已經開始左。
唉屌... 點解我會犯呢啲咁既錯架。
「先生你既rose 3，過黎呢邊買單啊。」個sales終於拎撚到對鞋。
我好快咁比完錢就準備衝返學校。
唉，真係好肉赤。
一路跑，屌，點解又紅燈架。
仲要一直都唔撚轉。




屌!!! 等埋我啊!!!
衝到返去之後，我仲要去課室拎衫褲換。
屌，唉直接喺班房換算。
反正都冇人。
快手快腳咁換完我就衝左落去。

場上個個人都好似死撚左老豆咁，有冇咁頹啊!!!
「我到啦!!!」我一路跑過去一路叫。
阿鋒見到我，個樣即刻開心到仆街。
周圍啲觀眾都開始討論緊我，當然仲有對面既中鋒見到我，塊面即刻黑哂。
我再望一望詠兒姐姐，佢比左個飛吻同叻叻我。
我一問之下先知，仆你個街就黎第三節仲要 41:12?
我屌啊。
「嗶!!!」係半場休息既笛聲。
「喂希仔你咁遲架!」班隊友雖然好似怪緊我咁，但其實聽得出好開心。




老實講，得番兩節要追29分，我都有少少餚底。
中場休息完，首發除左換左我上場都冇變。

「細路，上次冇打死你啊嘛?」對面個中鋒仲係咁撚串。
「冇，你打唔死我你黑仔啦。」我回佢一句。
我再望左一眼場邊喺黃社既夢兒姐姐。
佢隻眼... 好腫，明顯喊過。
點解? 明明係你嬲我，點解你會喊?發生左啲咩事?
我冇深究，因為佢地已經開左波。
帶波進攻既我，到左三分線就直接射左球三分。
望都唔撚洗啦下話，我會炒?
果然輕鬆咁穿針。
41:15
到對面既進攻，我示意唔洗幫，我半場開始單守對面帶波既控衛。
佢拍波拍太高啦，我一撩佢就甩左波。
比我偷左波之後佢地追都追我唔到，比我快攻輕鬆上。
41:17
我上場之後既節奏根本兩回事，防守對面拍波都拍到驚，係咁比我撩，撩完就快攻。
慢慢比分已經比我改寫到 41:29
差12分。
對面條友終於唔拍波，半場就長傳比佢隊友。
係咪on9啊?
佢地真係睇少左我臂展同速度，呢啲長傳我可以輕鬆咁斷到。
準備又要比我快攻。
呢個時候我放慢左個速度，我肯定後面有人會想犯我規
我將計就計，比佢跟上黎，果然，就係對面個中鋒。
犯規成癮既佢呢下想好似上次咁打落我手到將我成個人打落地。
但本來就有防範既我點會比佢得逞。
我故意比佢打，但因為係我主動挨個人過去。
我個人仲係平行到，輕鬆放入籃球而且落地冇事。
「嗶!」「AND 1!!!!!!!!」場邊既觀眾都高呼。
呢球除左有罰球射，最重要係打擊佢既信心。
一個人如果出茅招都打唔過人，個心態會點崩法呢?
喺我罰完呢球之後，再打左兩波我打爆對面既攻守戰之後，第三節就完左。
41:36 拎多五分就追平啦。
不過，真係好攰...