[少甜][愛情][校園][真人真事改編] 自從我爸爸過左世，我遇上左佢: 17

「喂? 希希?」係詠兒姐姐既聲音。
「鳴咽... 詠...兒姐姐。」聽到詠兒姐姐把聲，眼淚開始收返。
「希希? 你做咩好似喊緊咁既? 發生咩事啊。」詠兒姐姐聽到即刻關心我。
「我... 夢... 夢兒姐姐唔理我啊!!」我盡量唔好再喊。
「唔係掛... 希希唔好喊住，不如詠兒姐姐宜家黎揾你?」詠兒姐姐提議。
「好...啊! 我都好想見詠兒姐姐。」我聽到開心返啲。
「咁一陣你樓下公園等啦。」講完之後詠兒姐姐就收左線。
我用紙巾抹返好自己既眼淚先，然後衫都冇換，剩係帶左條鎖匙同手機就準備出去。
喺夢兒姐姐既房... 閂左既門... 
我輕輕摸左下對門... 明明只係隔左對門，點解好似離好遠咁... 





落到公園，詠兒姐姐仲未到，我坐左喺張長椅到。
咩人都冇... 好冷清，好孤獨。
「希希!」係詠兒姐姐，手上仲拎住包朱古力奶。
詠兒姐姐一到，我就攬住左佢。
呢一刻，我剩係好想有人愛我，疼愛我。
「唔好離開我。」我喺詠兒姐姐耳邊輕輕咁講。
「我唔會離開你架，我會一直喺度，因為我...」詠兒姐姐輕輕咁摸我個頭。
好温暖，相比起岩岩喺房到喊既時候。
攬左成五分幾鐘我先肯放手。




「詠兒姐姐...」我叫左詠兒姐姐一聲。
「嗯? 做咩啊。」佢問。
「你岩岩話一直都喺度之後，因為咩?」我醒起。
「你真係想知?」詠兒姐姐問。
「當然。」我點左下頭。
「唔話你知啊!」佢拍左一下我。
「喂啊!!」之後我追佢，佢又避。
後尾我地又坐返底，佢個頭訓左喺我膊頭到，而我就飲緊佢買比我既朱古力奶。
「我都想飲。」佢話。
於是我遞左比佢飲。




點知佢一下就啜左勁多。
「我仲要飲架!」我想搶返黎。
點知...
詠兒姐姐一下嘴左過黎，鍚左落我個嘴到。
好甜，佢個嘴唇同我既嘴唇貼埋左。
佢打開左少少，等佢嘴入面既朱古力奶流入我個嘴到。
我個心跳得好快，咁大個仔第一次鍚。
我好不知所措，我應該點好。
但我又好享受，眼前既詠兒姐姐，真係好靚。
詠兒姐姐既嘴唇... 好軟，軟淋淋。
我地宜家既嘴全部都係口水同埋朱古力奶。
但詠兒姐姐冇停既意思，仲係越鍚越勁。
但同樣地都令到我好興奮，我既細佬無啦啦變硬左。
點解既，成件事好新奇。
我個腦好複雜，唔知發生緊咩事，但我好享受。




慢慢地，詠兒姐姐都放開左我。
 
「希希。」詠兒姐姐好深情咁望住我。
「嗯?」詠兒姐姐呢一刻比邊一個都靚。
「我鐘意你。」詠兒姐姐講左出黎。
「我都係。」我地對望左好耐。
「不如我地，一齊?」詠兒姐姐講完就攬住左我。
「嗯，好啊。」我將詠兒姐姐抱入左我既懷裡。
就係咁，我同詠兒姐姐，一齊左。

(sor， 呢一篇有啲短，但我想就咁停喺一齊呢一到)
首先祝大家2023年快樂先，呢個故會一直更新落去既。
其實講真唔知有幾多位讀者睇緊，但我都會努力寫埋落去。
如果真係有人睇緊既，不妨留個言互動下? 
始終就咁寫其實都少dry下，哈哈。




如果有咩意見既話都可以留低，一定會覆。
多謝哂有睇既大家先，thank you 你。
2023 大家一齊加油 !