[少甜][愛情][校園][真人真事改編] 自從我爸爸過左世，我遇上左佢: 12

「希希! 我返黎啦。」係夢兒姐姐既聲音。
宜家既我，喺張床到用被蓋住左自己既頭。
比思穎咁樣提起老豆，成個人又變得好灰好唔開心。
一諗返起細個同老豆周圍去玩，打波既快樂日子。
唉。

「希希，你喺邊啊?」夢兒姐姐見我唔喺廳，周圍揾緊我。
咔擦，夢兒姐姐開左我對門。
「希希? 你做咩用張被蓋住自己個頭啊，小心唞唔到氣啊傻豬。」
「姐姐...」我抬起頭望住打開左我張被既夢兒姐姐。




「做咩事啊 ? 係咪隻腳好痛 ? 」夢兒姐姐真係好温柔。
我擰左擰頭。
「咁... 係咪有人激親希希? 等姐姐幫你出番啖氣。」
我諗起思穎，佢其實又唔係特登既。我又擰左下頭。
「咁唔緊要啦，我買左野食比你啊~」夢兒姐姐拎左盒朱古力出黎 「你試下，睇下鐘唔鐘意食。」
我拎左一粒黎食，好甜... 唔只係粒朱古力甜，仲感受到姐姐既甜。
我向前攬住左夢兒姐姐，而佢亦都摸我個頭。
「希希，姐姐會一直都喺度架，所以如果你有咩唔開心，一定要同姐姐講啊~」夢兒姐姐一邊摸我個頭， 一邊好温柔咁講。
「知道。」呢一刻，我簡直係全世界最幸福既人。





-------------------(我是分隔線)---------------

之後嗰晚我地都係如常咁温書，傾計。
講真，有夢兒姐姐傾計，成個人都開心好多。
去到第二日返學，我都冇再諗返嗰啲唔開心既野。
值得一提既係，思穎第二日同我講對唔住，我只係講左句是旦，佢睇落好似幾sad。
不過我冇理佢。
而我隻腳? 其實真係好得快過我想像。
我以為應該冇一兩個星期都唔會好得番，點知已經好得7788。
所以放學之後，同夢兒姐姐番到屋企之後就衝左出去揾偉哥佢地打波。





「喂細路，你隻腳得唔得架，扭傷真係可大可小架wo。」偉哥問。
「打爆你都得啊。」我射左球3分，點知airball...
「哈哈哈哈，你咁樣打爆我?」偉哥笑到好撚核突。
屌，點解我好似用唔到力咁，唔通真係仲未得?
我冇再深究，因為對面已經開左波。
同我對位既狗叔，本來速度應該同我差唔多。
點知佢變向之後加速，我發現我既腳唔太跟得上，發唔到力。
佢過左我之後就係一個easy layup。
「你真係唔多掂wo 希希，不如你都係休息下先啦。」偉哥望住我講。
我諗左一諗，最後都係決定行開去坐下。
明明隻腳唔痛，但就係用唔到力。
平時打波好有自信既我，冇諗過自己會有咁既一日。
付出左咁多年既野，好似就因為少少傷而失去哂咁。
「唔洗咁頹wo。」喺我陷入沉思既時候，偉哥嗰場已經完左，佢行左埋黎揾我吹水。「傷呢樣野，打得波做得運動就遇左架啦，如果你係想做運動員既話就要克服佢。」




老實講，偉哥講得係幾岩，如果少少傷就成日咁頹，真係唔知要頹幾耐。
「加油啦，早啲返去唞下。」佢拍左一拍我就行出去繼續。
我休息多陣就返屋企，冇得打波就留喺度on99咩。

「咦希希咁早返黎既。」夢兒姐姐坐左喺沙發到，一開門就見到佢。
「隻腳都仲未好返哂，打唔到波。」我一邊擺低啲野一邊講。
「唔緊要啦希希，雖然我唔識打波，但你咁勁，少少傷病你一定可以克服既!」夢兒姐姐鼓勵我。
「當然! 多謝你啊夢兒姐姐。」有左夢兒姐姐既鼓勵，我更加堅定一定要好返。
果然夢兒姐姐既一句話，勝過其他人講十鳩幾萬句。