[少甜][愛情][校園][真人真事改編] 自從我爸爸過左世，我遇上左佢: 11

「尋日場社籃...最後點啊。」我返到去班房之後就問梓軒。
老實講，我心裏其實有數，嗰球應該都幾難入。
「你地...贏左啊!。」梓軒個表情一開始扮哂好似好唔開心咁，原來係扮哂野。
「你個籃球小王子，對面咁樣foul你都可以入到最後嗰一球，痴鳩線。」佢雙眼發光咁講。
嗰球...入左? 我都唔係好敢相信，仲懷疑緊梓軒係咪撚鳩我。
「喂，嗰球，真係入左?」我再次確定一下。
「係啊小王子，你嗰球個個都唔敢相信會入，黃社個中鋒都呆撚埋。」佢舉起隻大姆指表示讚譽。
「周喻希!!  點解你返左黎既。」黃思穎見到我之後行左過黎。
「我都係唔阻住小王子同公主大人啦，吾臣先行告退。」梓軒喺度搞事。
我同黃思穎都冇理佢。




「下，點解我唔可以返黎。」我一邊喺書包度拎書出黎，一路反問返佢。
「你尋日傷成咁樣，今日仲返? 你唔好好休息下先。」黃思穎好不解。
「我都冇事，你唔好咁煩啦。」我覺得佢真係好撚煩。
「周喻希!! 我都係想關心你啫，你... 你唔好覺得我煩啦。」佢好似有啲唔開心。
喂大佬，你咁煩仲要我覺得你唔煩係咩事...
「得啦得啦，你走先啦，我想休息下。」我做左個叫佢走開既手勢。
「你...嗯。」佢欲言又止咁，最後都係走左。

可能因為知道我尋日受左傷，所以今日上堂嗰時啲老師都冇為難我。
雖然我係傷左隻腳，其實冇咩影響，anyway 佢地冇搞我就好啦。




然後放lunch嗰時夢兒姐姐揾左我，話因為放學有事要處理，所以冇得陪我走。
我嗲左佢一陣之後，佢話會買啲我鐘意食既野比我，我就開心返哂。
「周喻希，你自己一個人走?」又係黃思穎。
「係啊，做咩啊，我要趕去打波。」講真，我有啲唔耐煩。
「我...冇啊...我想去買啲野，你可唔可以陪我?」佢諗左陣之後講。
「下... 你要買野關我咩事。」我唔想理佢。
「咁... 你可以幫下我揀啊嘛。」思穎解釋。
「你買咩要我揀啊...」我已經揹埋書包準備離開。
「我想買對波鞋比我爸爸，佢都好鐘意打籃球架。」佢做左個唔該既手勢。
「咁我冇打開籃球， 唔識點揀，唔該你啊。」佢繼續講。




聽到有關籃球既野，我又點可以拒絕呢?
同埋我對lebron 9都已經爛爛地，所以我都想去買番對新既籃球鞋。
「咁...好啦，我都想去睇下鞋。」之後我地就一齊去左附近既商場到對鞋。
「咦呢對呢。」「呢對跑鞋黎架wo...」
「咁呢對呢?」「粉紅色...你daddy會鐘意?」
「咁...呢對呢?」「都話係跑鞋黎架...」
之後我帶佢去左籃球區，呢到都幾多鞋可以揀下。
思穎就一直喺度行黎行去，佢完全唔明點解籃球鞋可以分咁多。
之後我拎左對rose 3 比佢，紅黑色既rose 3 係男人都愛。
「既然係你揀既，我信你眼光!」佢講完就拎左去比錢。
老實講，思穎應該都幾有錢下，rose 3 都真係好貴，我都唔捨得買。

「咁我返去先啦，再見。」我講完就想走。
「唔好走住啊，不如我地食啲野?」佢提議。
「唔啦，冇錢。」我冇諗住理佢。




「我請啦，你陪左我咁耐~」佢講完嗰句我就拉住佢走。

「你食到污糟哂啦~」佢用紙巾幫我抹左下嘴。
「唔...唔該。」我比佢呢個行為嚇親。
佢帶左我去一間星xx 既咖啡店到食野，老實講，啲cake同咖啡真係好好食。
佢個抹茶拿鐵真係好好飲， 成程佢就一直講佢想講既野。
而我? 當然就係專心食我既蛋糕同飲我既抹茶拿鐵啦。
「其實點解你會鐘意打籃球既?」佢問到一條我有興趣既野。
「因為我老豆。」
「你爸爸? 佢係咪好勁架?」
「係。」
「我都想見識下。」
「佢死左啦...」
「sor...ry」
我冇再答佢，佢亦都冇再講野。




我地食完之後我行去我要搭既巴士，佢就一直跟住我。
「你都搭呢架巴士?」
「唔係啊...我驚你嬲左我。」
「都唔關你事，你走啦，我想靜下。」
「咁...之後見?」
我冇理佢，佢見我冇理佢都識趣咁走左。
我唔知點解每次一講到我老豆，就會好唔開心。
或者我真係好掛住我老豆。
明明唔關思穎事，但我發左佢脾氣。
唔係，其實關佢事。
如果唔係佢問我老豆既野，我都唔會咁。