[少甜][愛情][校園][真人真事改編] 自從我爸爸過左世，我遇上左佢: 6

「你想拉我去邊到啊...」我問嗰個黃思穎。
佢望到自己隻手握住我隻手之後，塊面紅左一紅，之後即刻鬆開左我
「sorry啊, 你應該知岩岩嗰個係籃球隊入面既惡霸黎架啦，我驚佢恰你所以...」佢望左我一眼，之後又低番頭。
「其實你唔洗解釋咁多，我冇所謂，我走先啦。」之後我就行走左。
無錯，因為我要上去揾夢兒姐姐一齊放學。
「哦，咁希希你冇事啊嗎，嗰個人叫牧楓，係籃球隊入面好出名既人黎架。」夢兒姐姐既笑容幾時都咁靚。
「係咩，我唔係好想知，我反而想知你今日有咩事發生多啲。」當然要關心下姐姐啦。
之後我地就一路傾一路番屋企。我既人生除左打波，應該最享受就係呢個時刻。

第二日番學，唔知點解好多人都望住我咁，由一入到課室我就覺得好唔自在。




「下，你唔知咩，你而家已經好出名啦wo。」我問左一下梓軒咩事。
佢拎左電話顯示住我地學校既學生討論區出黎，入面原來好多人都講緊嗰個牧楓挑我機既事。
唓，我一啲都唔介意嗰條友，我都係訓番我既教算。
如是者，我就繼續每堂都喺度訓教。
不過講真，梓軒都應該勁過嗰條友，雖然佢都係比我完封21:0，但睇得出佢既球感都唔錯。
每一下都撲得幾岩位，速度唔錯，平衝力都好好，唔會點比我fake到。
比起嗰班高form，真係好唔少。

好快就去到放學既時間，其實番學都真係幾悶下，直至到有樣野叫「啦啦隊打氣圑」。
有別於其他學校，佢地既啦啦隊係運動會舉行，我地既係社際籃球比賽到會有。




我地學校既社籃搞得非常之咁大型，好多都係每個社各打一場，計勝場去比冠軍。
我地學校係抽籤，例如紅對藍社，會係採用三局兩勝制，先取兩場既就可以打冠軍賽。
而啦啦隊就係因為籃球有四節，而每節都會有啦啦隊既表演，而正正中一就被逼一定要參加。
呢種浪費人時間既活動，第一次既課後訓練我已經走左去，完全冇諗過要參加。
*順帶一提，我係紅社。*

不出我所料，紅社既社長好快就黎左揾我。
「點解你尋日冇黎到啦啦隊訓練，個個都有黎，就係得你冇!」眼前呢個好鬼高既就係社長。
「我唔想浪費時間，你都係唔好浪費口水啦，我唔會去架。」我轉頭想入番去班房。
「一係你參加社籃。」佢提出左一個幾有趣既建議。




「牧楓有同我講過，你係好強既籃球員。」佢繼續講。
當然，比起啦啦隊，我更加鐘意打籃球。但同嗰班垃圾打...我要考慮下。
我都係冇理到佢，繼續行入班房。
「你要知道，唔去啦啦隊，喺我地學校係一件好大既事黎。」
冇錯，喺佢既威逼利誘下，我妥協左。
直至到第一次既社籃訓練，我後悔啦...

佢地既技術真係廢到冇人有，一個叫Wilson既師兄，快攻上籃可以炒。
一個叫子傑既師兄，防守啲走動慢到，對面隊既三分又係誇張，wideopen可以連炒三球。
最可怕既係，有兩個咁廢既隊友都可以比我個隊打爆。
無錯，為左測試實力，我地十個人分左兩隊咁打，結果我一個人兩節拎左33分。
佢地完全冇人可以掂到我粒波，最後我仲要比人強制換左落場去阻止咁唔公平既練習。
聽講我地抽到對黃社，對面十個有八個都係籃球隊。我再問左一問紅社既隊長，原來只有佢同嗰個wilson，無一個係籃球隊。
哈哈，咁其實籃球隊都幾廢下，嗰個垃圾wilson都可以入到。講番呢個隊長先，得佢係正常少少，佢叫阿鋒，負責打中鋒，雖然佢得一米八五，不過都算係咁。
我打完個練習賽就準備走人，反正成班都係垃圾黎，根本無救。




「喂你諗住去邊啊。」阿鋒見我諗住走，喝住左我。
「返屋企，你地太渣啦，慢慢練啦。」我講完呢句之後聽到有一堆粗口問喉緊我，不過佢地其實都心中有數。
唉，睇黎社籃又要我一個打哂成場。