[少甜][愛情][校園][真人真事改編] 自從我爸爸過左世，我遇上左佢: 7

之後既嗰個星期，都係一直練社籃既日子。
不過至少係確定左首發既五個人係邊個。我打既係一號位，啫係控球後衛。
因為我既身高都仲係唔高，得一米六四，但成隊就得我一個既帶波能力強。
所以基本上九成時間都係我控住粒波，再去分比唔同人。
但其實多數我都唔會分出去，與其話我獨食，不如話佢地真係太廢。
唯一可以分既都係得嗰個隊長，但老實講佢除左高啲之外，啲籃底技巧不值一提。

當然呢段時間間唔中夢兒姐姐都會黎睇我打波。
佢仲有兩個friend會陪佢，一個好似叫詠兒，一個叫christy。
不得不說，夢兒姐姐揀朋友都有一手，聽梓軒講詠兒同christy都係校花黎。




當然，喺我心目中都係夢兒姐姐靚過佢地啦。
我覺得詠兒姐姐份人比較nice，而christy姐姐就高冷啲。
好多時我練完波之後，詠兒姐姐都會讚我幾句，christy姐姐就一直睇手機。
理所當然地，我更加鐘意詠兒姐姐啦。

今日都係要練社籃既日子，放學之後就換好哂衫喺籃球場到熱下身。
btw 今次係第一場社籃比賽之前最後一次既訓練，所以睇得出個個都好緊張。
你問我?我一啲感覺都冇。
首先，我唔似佢地咁，一方面想出風頭，另一方面又好愛社。
好似我前面所提及，好多人都係冇籃球底黎參加，其中一個原因就係佢地真係好撚愛社。




好多人明明連波都唔識拍，就係想為社出一分力。
而我，對社呢樣野一啲感覺都冇。
如果唔係比個社長逼我揀啦啦隊定社籃，我根本打都唔想打。
講番今日個練習先，佢地都仲係平時咁，垃垃圾圾咁。
而我就每一球都突破入到內線，但睇得出個隊長今日認真左好多。
我起跳上籃嗰時，佢都同樣起跳想封蓋我。
當我拉杆去另一邊既時候，佢一下犯規打左落我個人到。
失左平衡既我，好彩唔係頭落地，但我隻腳感覺到，瀨野啦

「啊!!!!!!!!!!!好痛啊!!!!!!!!!!!!!!!!!!!!!!!」我倒地之後大喊




所有人都圍左埋黎，包括喺場外既夢兒姐姐同詠兒姐姐。
「你冇事啊嘛」「死啦聽日點算啊」「最衰都係你啦」我聽到圍住我既人喺度討論緊
得夢兒姐姐同詠兒姐姐關心緊我既傷勢，隊長塊面都青埋。
而我既感覺，只有疼痛，同埋好驚，好驚以後冇得打波。
wilson同隊長兩個人扶住我咁un下un下去醫療室。
經過一番既檢查之後，個st john 同我講過應該冇事，不過建議我去醫院到check下。
佢幫我敷左一陣冰之後我再唞多左一陣。
感覺到隻腳都冇咁痛，夢兒姐姐同詠兒姐姐陪我拐下拐下咁走。
睇黎聽日紅社真係收得皮。

「你啊，打波小心啲啊記得。」夢兒姐姐既嘮叨永遠都係最好聽。
「明明係隊長佢犯...」我駁嘴。
「你知唔知你受傷我都會心痛架!」夢兒姐姐摸左下我個頭。
「知道啦，我下次會小心啲啦。」我敵唔過夢兒姐姐既摸頭攻勢。
就係咁，我地慢慢咁兩個人返屋企。




你問詠兒姐姐去左邊? 佢同我地住唔同既方向所以佢見我冇咩事就走左啦。
其實詠兒姐姐都幾鍚我，佢係好少數會關心我既人。
社籃嗰班7頭隊友如果唔係因為我勁，佢地都唔會想理我啦。
返到屋企之後夢兒姐姐再幫我敷多左一陣冰，其實我隻腳都冇咁痛，希望聽日會完全冇事啦。
食完飯之後就係我地既温書做功課時間。
好多人應該都唔鐘意做功課同温書，其實我都係。
不過有夢兒姐姐同我做，同埋其實我都係傾計多。
我好享受呢段既時間。

去到第二朝，我照樣都帶哂波衫褲同鞋返去，睇下會唔會有機會落場。
「你受左傷? 發生咩事啊? 點解咁唔小心啊?」一返到班房，思穎就去我個位到係咁問。
「都話左小小扭傷，冇事咯...」都唔明佢擔心啲咩。
同時我見到梓軒用一個好黑人憎既笑容望住我，講真，睇落好淫蕩，好想打7佢。
「係咪真架...人地會心痛架。」思穎仲關心緊我。
「係真係小小扭傷咋...你返埋位先啦。」我真係想唞下。




「咁好啦，你啊，要小心啲啊。」佢篤咗一下我個額頭。
佢行開左之後我趴左喺度訓教。
「哎啊~人地會心痛架~」梓軒明顯喺度學思穎講野。
「做乜鳩呢你又...」我好無奈。
「又唔見佢會關心其他人~你打波叻啫籃球小王子。咁快就比你溝到我地既班花啦。」佢到底想講啲咩。
「你咪撚係到亂up啦7頭。」我都懶得理佢。
「你唔好咁講人地啦~我都會心痛架。」佢真係好煩。
之後我就繼續我既睡眠之旅，啲老師都開始放棄叫醒我。

重頭戲，就係今日放學既社籃...