[少甜][愛情][校園][真人真事改編] 自從我爸爸過左世，我遇上左佢: 4

9月1日，係每個學生惡夢既開始。由於暑假嗰時每一日都係去打波，一係就訓教，完全冇掂過暑期作業。
天不怕地不怕既我，當然都係就咁翻學啦。
一大朝早，夢兒姐姐就好似小學嗰時咁，換好哂校服，食早餐等我梳洗。
冇錯，考到同夢兒姐姐同一間中學既好處，就係可以每日同佢一齊翻學。
而我都係照舊咬住面包咁出門口。
「你記住要識多啲朋友啊，中學唔似小學，識朋友好重要架。」夢兒姐姐講完呢句就去自己既班房。
1C班，我中學第一個班房。入到去我揀左最後一排黎坐。
識朋友，我已經好耐冇識過朋友啦。小學其實都有啲朋友既。
但好似我前面所講，自從我老豆過左身，我對人既態度都變得好冷淡。
除左我姐姐 -- 我唯一一個最痴既人。我到左座位之後就一路訓教。





「啪!」ouch 好撚痛啊。我抬起頭，見到一個幾靚既成年人，兇神惡煞咁怒視住我。
「開學第一日就訓成咁! 同我企起身。」眼前呢個冇估錯應該係我班主任，而我感覺到身邊既同學都笑緊我
「你知唔知我地呢間學校係好嚴格架，我唔理你小學係點，上到黎中學就應該認認真真。」佢好嬲咁講，其實應該係同全班講緊。
「係。」我講完就坐翻低。「我有話比你坐低咩!」佢睇黎冇諗住放過我。
我企翻起身。「你既暑期作業呢?」佢伸出隻手。「我冇做到。」我都係一臉hea樣咁答佢。
「你聽日都交唔到就留堂做啦!」佢講完就轉身行翻去老師位。

「哇你都得啦，連訓導老師Miss Lau 你都咁得罪。」我隔離個傻仔喺度想撩我講野。
當然我冇理到佢。「喂，點解你唔講野既。」佢真係好煩。




然後成個幾鐘既班主任節佢就一直同我講野，我一句都冇應過佢。
「算啦，不過我想同你講，我叫張梓軒，你可以叫我阿軒或者軒。」佢講完就冇咩點再煩我。
去到選班裏面既職位既時候，我就順利咁做左班會環保大使，冇錯，啫係咩都唔洗做。可喜可賀。
第一日翻學其實冇咩野做，好快就到左晏晝，終於都放學。

我一直喺班房到等夢兒姐姐黎接我一齊去食lunch，好快佢就黎左。
「點啊，今日有冇識到朋友啊。」夢兒姐姐食左一啖意粉之後問我。
「冇啊，佢地成班都傻傻地咁。」我就一邊食我既咖喱飯，一路講。
「你個希希啊，睇下你食到成嘴都係咖喱啦。」夢兒姐姐好温柔咁抹左下我既嘴。
「嘻嘻，唔該夢兒姐姐。」之後我地成餐飯都一路傾計一路食，好幸福。




翻到屋企之後，由於冇咩野做，我決定去打陣籃球，咁岩夢兒姐姐想去圖書館，所以佢話一齊出去。
去到球場又係同佢地班阿叔鬥波。
隨着我一球極限既拉杆，我岩岩好以21:19 贏左偉哥隊。
「嗱，比你。」我行到埋去啲袋度諗住拎住水黎飲既時候，發現原來夢兒姐姐喺度。
「唔該哂。」講完我就不停咁灌支水落肚，烈日下打波真係好攰。
「岩岩你嗰球真係好型啊。」夢兒姐姐讚我。「ok la，簡單野黎。」我豎起手指扮哂野咁講。
「哇希仔，咁快有女朋友啦，岩岩先升中學咋wo。」狗叔又黎搞事
「咩女朋友啊...我姐姐黎架。」我冇佢咁好氣。
「哦... 姐姐，你好啊，我叫阿狗啊，佢地都叫我狗叔。」佢伸左隻手出黎同夢兒姐姐握手。
「hello，我叫夢兒。」夢兒姐姐既笑容睇到呢班阿叔眼都大埋。
「食屎啦你地，出黎打波啦。」我入左球三分之後屌鳩佢地。
「咁我地打波先啦。」狗叔真係狗公黎...
之後我就打爆哂佢地，基本上冇輸過。
升上中學之後，我既身高都黎到164cm，亦都即係話我比起以前更加難mark。
打完波我就同夢兒姐姐一齊翻屋企。