我在英倫身兼數職的日子: 第九章： 香港人被清零， 被的走既無奈
保怡初黎報到一個星期， 都開始感到呢度戰火連連， 明顯地佢都感受到氣氛唔好，成條team 都好似被針對一樣， 一個星期後既星期一， 我如常一早8:30 返到office, 比我見到我老細企係門口等， 我同佢講早晨都無表情， 返到埋位見到大老細執緊我老細張枱！ 唔通佢都被人強制的走？ 連門口都唔比入？ 保怡見到後問我咩情況？當時我同佢兩個既表情應該都係只望一個方向呆左， 比唔到表情，同那二十個人一樣，想探一層佢全家移民返左工唔夠一星期， 直屬上司就被人的走， 仲要唔比入門口那隻， 究竟佢犯錯左咩事被人炒到連門口都唔比入做到咁絕？好難怪佢唔知間公司咩料，
上司被的走既呢一個星期， 人心惶惶，大老細無講原因， 估計一定唔關做嘢事， 咁我就懷疑因為同台灣team 權力鬥爭下失敗既一個。英國（HK) team 開始弱勢，同時間隔離team 既香港人PM 都被的走， 令人開始懷疑係咪要清零香港人？
在戰戰兢兢既情況下人人自危， 最慘係剛黎到既保怡， 佢只係同上司合作左一個星期。 又簽咗約如果一年內離職要賠錢， 所以佢都無得走， 另外上司本來住緊公司提供嘅 housing，即係宿舍。而家佢被的走，公司要求佢兩星期內搬走。佢成家要立即搵屋搬， 當時真係局外人都感受到人情冷暖。上司個位臨時搵左個後生仔頂上， 佢都係香港人， 佢同我講佢想上因為想儲多啲錢係呢邊買到樓， 矛盾既地方係呢邊搵錢扣完稅真係無咩剩， 真心要儲錢香港搵易好多， 我同佢既取向唔同， 我既打算係想向技術層面發展，管理層要多溝通， 技術要求反而比較小，溝通同人哋打交道始終比本地人差啲， 佢英文又係正宗香港英文一舊舊， 我只有祝福佢。
講返搵工， 我做呢行其實唔擔心搵工，如果唔係上司， 又咁遠路程返工， 我可能一早頂唔順resign, 經歷過咁多野其實都只係做左一年， 就係剛做滿一年後我就resign, 因為我有一個offer 在手， 雖然係做consultant 公司， 做左咁多年都知道做外判公司通常都係比哂d 麻煩野你攪， in house 同事就印印腳慢慢做， 不過我當時都唔理得咁多，但求可以remote 在家工作唔使再揸長途車就ok 了， 離開呢間監控員工既公司之後， 我先感受到呢間公司係一間異數，條team 陸續有香港人搵到工就走， 大家都知咩事， 只有那個剛上位既後生仔似乎好享受剛剛lead 一條team既感覺， 身為old seafood 既我當然識做好來好去， 事後證明人既關係都好重要， 從中會幫到人也幫到自己