我在英倫身兼數職的日子: 第十章： 出外發展， 強勢回歸？
轉戰第二間公司， 終於脫離被監控的日子， 新公司係一間consultant 顧問公司， 簡單講就係指派去其他客戶公司度執屎。 所以人工理應比其他做 in house 既公司高， 我過去也只係輕輕加左10%。其實執屎既程度有高有低， 但呢間公司有啲伏， 事緣當了解到要負責既工作後， 我覺得除咗執屎無野可以形容， 客戶公司本身data team 有十幾人， 佢哋每星期都出release 更新改版本， 但又唔多做debug, 可能只做各自既unit test 但又唔做integration test 咁啦， 所以 導致到好多時分開行得走得， 一夾埋成個workflow 就唔行得， 我哋負責既工作就係當每日行既data workflow 唔行得， error 彈出嚟就要即時debug ， resume 行返好佢， 好多時要即時patch data 都唔在講， 難就難在要每朝6 點起身monitor 住個workflow ， 之後祈禱希望今日行得順順利利， 務求要9:00 前完成， 萬一出左咩事就要即時fix， 其中最難係因為開發同改動都唔係你負責， 但每日要求我朝早9 點前fix 好， 呢樣野好伏， 因為我係唔會清楚十幾人改過咩嘢， 要追番佢哋既change log 同準備第二日既bug fix 就係我全日既工作， 呢種咁無意義又唔健康既開發工作真係難攪， 過咗一個月已經開始後悔會唔會太倉促決定呢份工。
作為old seafood 既我同舊公司一直打好良好關係， 之前被的走既前上司也一直有聯絡， 始終香港人幫香港人麻， 舊公司一直都搵唔到人replace 我個位， 也搵過我返去， 但我實在唔想再每次都浪費五個幾鐘頭揸車來回office, 既然佢哋請唔到人， 我就膽粗粗問一問條件， 可唔可以人工同我宜家一樣（+10%）， work from home 唔返office , 另外我係想離開呢間監控員工既變態公司， 所以我想用合約形式合作， 結果居然無問題， 而且仲可以用公司形式合約， 即我可以開一間私人公司同佢簽約提供該職位既服務， 好處係更自由， 公司抽既稅項比個人所得稅平， 仲有工作相關開支都可以報銷免抽稅， 而且我提供既服務唔一定係由我去做， 可以係我公司既其他員工。由此，我就回歸舊公司， 也開始左我另一種職場身崖， 另一種定位同職場生存睇法！