我想喺夜場搵真愛，你陪唔陪我癲？: 番外篇-啊晴

一個星期過後，啊晴搵咗我出去。

「搵我做咩啊？」我問佢。

「上個禮拜Clover搵我飲嘢，話你哋散咗。」啊晴單刀直入：「我上個禮拜唔得閒，冇聽過佢講咩事。」

「咁你想聽下發生咩事？」

「免喇，我一早收到風。」





「咁你想？」

「想聽下你有咩諗法。」

「然後呢？」

「然後糾正下你。」

「咁我講架喇。」





「請。」

「其實你想聽咩？」

事實上，我唔知要講咩。

「做咩要咁黐身先？」

「比人戴綠帽戴得多，冇安全感。」





「關咩事，你估啊姐我冇比人戴過綠帽咩？」

「都係。」

「咁你放低咗佢哋未？」

「放低咗啦。」

「咁你做咩成日都諗佢哋點呃你。」

「驚囉。」

「咁咪即係未放低囉。」

「係咩？」





「你一直覺得人哋會呃你，咁唔會有好結果。」

「咩講法？」

「愛情係建基喺信任之上。」

「我有信佢。」

「你肯定？」

「其實…冇。」

「放低曬你所有過去嘅陰影先搵下個啦，如果唔係唔會有好結果架。」





「仲有樣嘢我想講。」

「講啦。」

「我覺得每個人都好過我。」

「你自己都唔鍾意自己，人哋點鍾意你？」

「嗯。」

「自信啲，鍾意咗自己先啦。」