我想喺夜場搵真愛，你陪唔陪我癲？: 番外篇-葉師傅

Cut線之後，我決定要去海邊搵我最好嘅朋友-酒。

「我出去啦。」我向廚房嗌咗聲。

「你去邊啊？」喺廚房煮緊飯嘅啊媽突咗個頭出嚟：「我就嚟煮好飯啦喎。」

「我去飲兩杯，返到嚟再食。」

「哦，咁你早啲返喎，你聽日仲要返學。」





「我會架啦。」

我會早返，朝早個早。

我買咗少少酒，然後就行咗去海邊。

唔知點解，今日好似特別大風、特別凍。

會唔會係啲風今日都失戀？





如果係嘅話，我想幫今日嘅風改個名。

就叫憂鬱的風，掂唔掂？

憂鬱的風加憂鬱的人，絕配。

啲人成日話唔開心飲酒會特別易醉，原來係真架。

我飲咗幾罐已經頂唔順攤咗喺到，仲瞓著埋。





我起身嘅時候諗住去返學，點知一睇手機先知原來已經晏晝一點幾。

「愛我別走。」

電話響，係葉師傅。

「喂，做咩唔返學啊？」

「飲醉咗。」

「失個戀就飲到學都唔返。」

「有咩問題？」

我有我傷心嘅權利，我都冇影響到任何人。





「The show must go on，你明唔明？」

「唔明。」

「你要做嘅，係學習啊小朋友。」

「點解？」

「小朋友心態拍拖係唔會有結果架。」

「都係。」

「咁你諗下，你喺呢段關係裡面失去咗啲咩？」





「好似又冇。」

「咁咪係囉，Just take it as a class，如果唔開心就要飲，大把人飲到入醫院都唔掂。」

「好。」

「再講。」

「再講。」

Cut線之後，我企起身望住個海，好似諗通咗少少咁。

「Why not just take it as a class？」我喺到自言自語。