我想喺夜場搵真愛，你陪唔陪我癲？: 五十七.

時間過得好快，我一瞓醒就係夜晚七點。

我記得佢講過話今日要返工，睇下佢起咗身未先。

「你起咗身未啊？」我喺Whatsapp到問佢。

「起咗啦。」佢秒覆。

我估佢應該整緊嘢準備出門口，我諗我都係唔好煩住佢。





「咁你快啲執嘢出門口啦。」

「你依家聽唔聽得電話？」

係喎，佢話有嘢要同我講。

「好啊，你打比我啦。」

啱啱Send出去，佢就即刻打咗比我。





「喂。」

「聽到，你講啦。」

「你真係未大個，出嚟玩就唔好一直黐住我啦。」

的確，我係想黐住你，而呢件事都好幼稚。

「明明人哋同你同年，做咩你一直都融入唔到？」





的確，我係唔識社交，同人識成年都唔熟。

「明明人哋同你一樣，做咩你要一直都咁自卑。」

的確，我係死毅進仔，唔知有咩可以自信。

「由你琴晚黑面開始，我已經對你咩Feel都冇。」

的確，你就咁推開我，我已經知道有啲嘢。

「聽完呢啲對你本人，或者以後嘅女朋友都好。」

的確，呢啲致命傷嚟，唔改拍幾多都冇用。

我全程一句嘢都冇講，只係默默咁聽佢講。





「你有冇嘢要講？」

「我冇。」

「你件衫？」

「唔洗啦。」

我連你殘留喺件衫上面嘅氣味…

都唔想再聞到。

因為，我唔想再諗起你。





「再見。」

「再見。」

再見，但不再見。

當人悲傷到極致，係唔會喊，而係會失去靈魂咁呆咗喺到。

唔明？即係我。

完