我想喺夜場搵真愛，你陪唔陪我癲？: 五十六

我屈喺角落坐咗陣，僅餘嘅男性開始問我嘢。

「你啱啱做咩黑曬面？」

「係囉，仲要粒聲唔出走咗去個幾兩個鐘。」

我嘆咗啖氣：「冇呀，有啲唔開心。」

「做咩呀？」





我冇講我因為嗰啲排名嘢而唔開心，因為我覺得佢哋會話我戇鳩，同埋我而家有更唔開心嘅嘢。

「佢又唔理我，然後佢啲男仔Fd坐佢隔離就得，我坐佢隔離就唔得。」

「咁你而家有咩打算？」

「我啱啱同佢講咗啦，而家放空個人先，瞓到就瞓。」

然後，我一回過神嚟就係朝早，而佢地都仲玩緊Game。





Clover坐咗喺我身邊，好開心。

我攬埋去，佢推開我，唔開心喇。

「返同去同你講。」佢同我講。

對於佢要講嘅嘢，我唔想聽。

「你一間返淺水灣？」我問佢。





「係呀。」

「我送你返去。」

「唔洗啦，我自己返去。」

「我送你啦，我一間無嘢做。」

「都話自己返，尊重得唔得？」

「嗯。」

我哋落去食咗個早餐，然後我上地鐵，佢上巴士。

我返到屋企，佢都冇搵我。





好眼瞓，瞓醒再講。