我想喺夜場搵真愛，你陪唔陪我癲？: 五十三

一切都好順利，9upper估得中、大話骰冇比人開、大排檔冇抽中2仔陪飲。

氣氛唔錯，大家都好投入玩Game。

「跟住嚟可以玩新版估領袖喎。」組爸問大家：「O唔OK？」

「我玩過啦，我落去買宵夜。」

呢隻Game玩過一次就冇得玩下次，因為已經知道咗點玩。





我淨係拎咗電話銀包就著鞋行咗落去，臨走嘅時候Clover仲坐咗喺到。

我落到去諗起我唔記得問Clover要唔要食嘢，於是就開Whatsapp問佢。

「我去買宵夜，你食唔食？」

喺樓下企咗幾分鐘，冇覆。

冇事嘅，玩緊Game啫，一間買買下就覆架喇。





我行入七仔，拎咗個包，然後開煙盒睇咗睇，得返一枝。

我行去收銀台：「要包純萬。」

我拎住包煙同包行出門口，然後再睇一次Whatsapp。

都係未覆。

還掂都係要等佢覆，不如睇下我啲文依家咩景環。





PNN跌出熱門、紙言跌出頭十、連登沉底。

唔睇由自可，一睇即刻唔開心到好似死老逗老母咁。

「我想攬住Clover喊一餐。」

無任何實際幫助，但我會冇咁唔開心先。