我想喺夜場搵真愛，你陪唔陪我癲？: 五十二

「我哋拎啲嘢上去先？」我問佢。

「係呀。」佢揹好個袋：「分一袋比我啦。」

我縮手：「唔要。」

啱啱講完，我左手邊袋嘢就比人從後拎走咗。

我望過去，係一個我同Clover喺房嘅時候，有行過入嚟觀犘嘅人。





如果無記錯的話，佢叫啊龍。

既然有人幫手，而佢又係男人，咁我就當然唔認屎認屁啦。

上到去都冇咩特別，撳下電話、打下麻雀、傾下計等人同嘢食到。

差唔多九點，人到齊，嘢食都到咗。

而我就好想摺埋自己，因為除咗嗰日有一齊落蘭嘅組爸、組爸條女同啊龍，我冇一個人係識。





我哋開始食嘢，大家都開始閒話家常。

佢哋講緊大學啲嘢，所以我都自動波收皮。

「你呢？」有人拋個波比我。

「我讀毅進。」我諗唔到第二個答法。

講學歷？我冇。





換個話題，講錢？我冇。

講日常？我冇嘢可以分享。

講內涵？咪玩我啦。

玩得放少少？我對住唔識嘅，真係一隻字都唔夠膽講。

所以我決定摺埋，之後嘅一切都唔關我事。

食飯時間過去，酒Game時間開始