我想喺夜場搵真愛，你陪唔陪我癲？: 三十一.

我一踏入學校範圍，就比方圓十里嘅所有人汪視。

到底搞咩，唔通我唔記得拉褲鏈？

我摸咗摸條褲鏈，係有拉到站架。

咁到底點解個個都望住我？

唉，唁理咁多喇。





我耷低頭一直衝，直到我返到課室。

我一坐低，咩都唔理就直接開電腦寫文。

「喂，你條頸搞咩？」我個FD行咗嚟我隔離。

「吓，咩呀？」我問佢。

「一間放煙Break我影比你睇。」





講完，佢就返咗埋位。

而我就完全無心寫文，呆下呆下就到咗放煙Break嘅時候。

佢衝出課室，而我就喺佢後面跟住。

我哋嚟到校門隔離嘅吸煙區，佢已經拎定電話準備。

我點煙，而佢就拎住部電話圍住我行咗兩個圈。





「喂，你搞咩呀？」我完全唔知佢做緊乜鳩。

「你叫我影呀嘛。」

講完，佢就將部電話擺喺我眼前。

佢圍住我條頸拍咗條片，而成條片個重點就係…

我條頸有一圈咖哩雞，仲要每一個都好大啖。

「喂，你戴佛珠啊？」佢忍住笑咁講。

「唔係呀，啤酒敏感起風癩。」我作咗個連狗都唔信嘅大話。

「你話點就點啦。」佢笑到差啲連煙都跌埋。