我想喺夜場搵真愛，你陪唔陪我癲？: 三十.

我醒咗之後走去刷咗個牙，執返個人樣出嚟之後就行咗返床。

「起身啦，要遲到啦！」我坐喺床邊搖佢。

我就咁坐喺到搖咗佢半個鐘，搖到我有少少想放棄返學嘅時候，佢終於起咗身。

佢好快就着好衫，而我就除咗件恤衫披喺佢身上，同埋拎咗佢對鞋過嚟床邊。

佢件衫太露喇，同埋咁樣行出去一定凍死佢。





「你淨係着件黑色打底返學唔會好怪咩？」佢問我。

「你着呢件返學好咩？」我反問佢：「着住啦，唔好凍親。」

講完，佢就着好咗件恤衫，而我就踎低幫佢着鞋。

我綁好兩個靚靚嘅蝴蝶結然後企返起身：「行啦。」

我哋兩個拎齊嘢衝落樓Check Out，因為我哋兩個都就嚟遲到。





佢要去巴士站，而我要去地鐵站，中間一齊行嘅路大概只有五分鐘。

拖？唔拖？

喺我仲未落到決定嘅時候，佢已經衝咗上車。

我望住自己隻右手：「唉，你做緊乜鳩呀？」

明明拖落去就係，你怯咩呀？





唉，唔理喇，我信仲有機會嘅。