我想喺夜場搵真愛，你陪唔陪我癲？: 十三.

佢眼都唔眨咁睥住我，懷疑係醞釀緊情緒。

不如我道個歉就咁算啦？

「對…」我未講完，佢就攬咗埋嚟。

「你終於落蘭啦啊仔！」

「喂，咩事？」我完全反應唔到。





「你終於落蘭啦，你唔係Gay架！」

「What the fuck？你知唔知你講緊咩？」我完全唔明佢講咩。

「你十八歲生日又唔落蘭，近排你又唔溝女…」

我打斷佢：「屌你啦，我不嬲都鍾意女人架。」

「好彩姐，我得你一粒仔，你轉基我就斷後架啦。」





「唔好歧視啦，可以領養架。」

「唉，我唔理啦。」

「咁你係咪…借錢比我？」

「梗係！你啱啱話要幾多？」

「三…三千。」我都係有少少驚。





「你老味，你同我講多次！」

「二千夠啦。」我完全笠曬水。

佢嘆咗啖氣：「死仔包，比返啲氣勢嚟！」

我嘗試合埋眼FF自己而家打咗上JFFT屌你老節目，然後吸咗啖氣…

「你老味同我拎三千蚊嚟！」

「咁先啱架嘛大佬！」佢推開我，喺銀包拎咗六張五百蚊出嚟：「快啲行啦，唔好要人哋等！」

我扤咗扤頭，然後就入房換衫同擺好啲錢。

我行到去門口前面：「咁我行啦。」





「咪走住。」我老母截住我：「銀包拎出嚟。」

我咩都冇問，直接比咗個銀包佢。

佢攝咗兩個Condom落銀包暗格：「我係想你溝女，但我唔想你做爸爸。」