我想喺夜場搵真愛，你陪唔陪我癲？: 十一.

「我唔知係咪啦，我聽到係咁。」

「唔會，我肯定。」

「點解？」

「我本人都好柒下，唔係盲咗應該唔會覺得我靚仔。」

「咁又唔係咁講嘅。」





「咁點講？」

然後，佢就開始冇覆我，睇嚟佢真係搵唔到第二個講法。

我收埋電話，開始閉目養神。

十分鐘後，佢終於覆我。

我以為佢諗到點安慰我，點知佢連話題都轉埋。





「我Add咗你入Whatsapp Group，你睇下有冇。」

我撳返出去，見到最頂多咗個Group，應該就係佢講嗰個。

我撳入去睇，除咗我同佢，仲有兩個我冇Set聯絡人。

「呢個喺啊晴，佢今日同Clover落蘭，你睇下點啦？」

「咁另外嗰個係邊個？」我問。





「你好快會知。」啊晴同我個FD同一時間答我。

「咁呀熙你跟唔跟埋？」啊晴問我。

「我睇下。」我有少少無奈。

作為一個未成名，又冇學歷嘅垃圾作家，我返嘅工全部都好低人工。

銀包得返一百蚊嘅我唔好話落蘭，連食個飯都有問題。

「你做咩呀？打鐵趁熱啦大佬！」我個FD私底下搵我。

「你知我咩職業架。」我覆佢。

「我都冇咁多，今次幫唔到你。」





仆你個街，唔撚係就咁收隊啊。