我想喺夜場搵真愛，你陪唔陪我癲？: 十.

我用一個擺文嘅AC request follow，然後…

冇Accept。

「冇事嘅，攰得滯瞓咗姐。」我咁同自己講。

講完，我就收埋電話。

A仔走咗之後，我就開始搭車去旺角。





我醒起我未寫今日要出嘅文，所以就拎咗部電話出嚟寫。

打咗兩隻字，就撳咗入IG睇下佢Accept咗未。

再打兩隻字，然後又撳入去。

都係未Accept。

瞓咗？定係唔知個IG係我嘅？





係我苦惱困惑之際，我突然諗到一樣嘢。

我個FD叫我去，咁理論上在場嘅人佢應該多多少少都識幾個。

與其自己鳩下鳩下，咁不如我直接問我個FD？Nice Idea。

我用Whatsapp Call我個FD，響咗幾下之後佢就聽咗。

「做咩呀熙哥？」佢問。





「你con唔contect到琴晚條女？」

「梗係得啦，你想…」

我打斷佢：「唔洗講出嚟，心照。」

「咁得啦，做比你。」

講完，佢就Cut咗線。

過咗陣，佢就Send咗Whatsapp過嚟。

「兩個好消息。」

「冇壞消息？」我問佢。





「暫時冇。」

「咁兩個好消息打孖上啦。」

「一個好消息係我個FD會幫你。」

「咁另一個呢？」

「首先我想問你，你覺得佢有冇醉？」

「佢梗係醉啦。」我有啲唔明點解佢咁問。

「人哋都冇醉。」





「然後呢？」我覺得呢個唔係重點。

「佢對你有嘢。」

「吓，乜撚嘢。」我唔係好信。