我想喺夜場搵真愛，你陪唔陪我癲？: 九.

嚟到佢屋企棲下，咁我都已經諗住轉身走。

「我哋行啦，你返上去啦。」我同Clover講。

「嗯，得架啦。」Clover把聲有啲攰。

「唔送埋佢上去？」A仔問我。

其實嚟到呢個位，我覺得真係多咗。





「唔洗啦。」我望住佢好認真咁講。

佢望住我，沉默咗幾秒：「咁我哋行啦。」

我哋兩個都好攰，沿路都冇咩點講嘢，直到我諗起一個問題。

「佢喺我大脾上面瞓咗成晚。」

試下搵重點？





你以為重點係瞓大脾？重點係瞓咗成晚呀！

點解？佢係咁瞓我都拎唔到佢IG！

雖然唔係幾啹佢，但係佢而家係唯一一個有機會比到答案我嘅人。

「你有冇頭先條女個IG？」我問佢。

「做咩呀？想溝？」





仆你個街，一語道破，你床哥嚟架？

「Er…」我想兜但兜唔到：「係。」

「你等我一陣。」佢拎咗部電話出嚟：「呢個。」

我望向佢個Mon，果然真係佢個IG。

既然係咁，啱啱你擺我上枱單嘢就當粉筆字咁抹咗佢。