我想喺夜場搵真愛，你陪唔陪我癲？: 八.

「一齊行啦，佢細粒又細個。」A仔好似聽唔明人話咁。

「嗯，一齊行啦，安全啲。」我幫佢落台。

之後我哋就出咗去截的士返地鐵站，咁因為朝早所以都好快就截到。

睇到呢到都冇事喺咪？下一秒就出事啦！

A仔拉開後車門，Clover第一個入去，佢就係第二個。





你估我係第三個？

唔撚係呀屌你老母！

「你坐前面啦。」A仔同我講。

喂，你唔好撚我啦，的士後座不嬲可以坐三個架喎。

我企喺原地望住佢，然後佢就咁閂咗門。





OK I’m fine,Fuck you.

上咗地鐵之後，Clover走咗去牆角，咁A仔都好暖男地用兩隻手撳喺佢兩邊護住佢。

「你搞掂得啦。」我句嘢充斥酸味。

「分一邊比你啦。」

講完，A仔收起咗一邊手。





我諗都冇諗，直接行過去佔領咗Clove嘅左邊。

嚟啊！做對好兄弟，就係要一齊比人投稿。

我哋Hold住呢個左右門神咁款嘅陣式，搭小巴我就坐隔離行，直到我哋返到淺水灣。