我想喺夜場搵真愛，你陪唔陪我癲？: 五.

我哋入咗𨋢之後，佢抱住Clover企咗係角落，而我就企喺佢對角撳𨋢。

落到去之後佢就放低咗Clover，但望望周圍好似唔喺幾對路。

「我哋係咪搭咗貨𨋢？」我問：「你咩名？」

「A仔，嗰邊可以行返落去。」佢望向側邊嘅樓梯。

「咁行啦。」我望住佢：「你洗唔洗放低先？」





「唁洗啦，返咗咁多年工，佢又唔算重。」

「哦…咁行啦。」

得，你贏。

我咃行到去門口，我再問多次：「你唔放低？」

「唔啦，佢唔係好行到。」





「出街啦喎？」

「有咩關係？」佢唔係好明。

我指住Clover條裙：「咁抱乜鳩都睇曬架啦。」

A仔冇講嘢，放低Clover之後就搭住佢膊頭開始行。

我繼續黑面，但又冇理由而家衝上去，所以黑面係我唯一可以做嘅嘢。





朝早流流，車都唔多架，A仔就咁搭住佢唔理紅燈綠燈一直行。

佢哋就行得好順利，但佢哋一行完就十鳩幾廿架車衝埋嚟，我想行都行唔到。

講真，躁躁地。