我想喺夜場搵真愛，你陪唔陪我癲？: 四.

「真係。」我好誠懇咁望住佢。

「哦，咁你睇…住佢喇，我走先。」

講完，佢就咁頭都唔回咁走咗。

講真，我第一下覺得佢真係仆街嚟，明明係佢叫我嚟，而家佢竟然走先。

不過諗深一層，又好似唔係。





佢應該係場裡面除咗我同Clover仲有老細之外嘅唯一一個人，佢走咗我就可以同Clover享受呢個短暫嘅獨處。

我就咁攬住佢，直到佢起身。

望住佢瞓喺我大脾上面，我竟然冇半點邪念。

佢郁咗下，然後慢慢擘手眼：「你仲喺到嘅？」

「你瞓住咗我隻腳。」





講係咁講，但係我係自願比隻腳佢瞓。

「落去食早餐？」我問佢。

「好呀。」佢慢慢爬咗起身。

喺我哋諗住推門行出去嘅時候，有個男仔行咗入嚟。

我唔知佢係邊個，但感覺好似唔係幾對路。





佢望住我兩個：「食早餐有冇得跟隊。」

Clover向我打咗個眼色，我嘆咗啖氣：「行啦。」

啱啱行出門口，Clover就撳住個肚：「我肚好痛。」

喺我諗住問Clover要唔要抱佢落去嘅時候，跟隊食早餐嗰位就早咗我一步。

雖然我唔係Clover邊個，佢都唔係我邊個，但黑面係我嘅權利。