我想喺夜場搵真愛，你陪唔陪我癲？: 三.

喺我合上雙眼，準備去搵周公嘅時候，我Feel到條頸有少少痛，但…好正。

我諗我估到發生緊咩事，但係都要Confirm下先，話唔定係比隻巨蚊咬呢？

我耷低頭，唔係巨蚊，係佢。

「你搞咩呀？」我問佢。

佢完全沉迷喺我條頸上面整緊咖哩雞，佢完全聽唔到我叫緊佢。





我拍咗佢幾下，佢終於抬起頭望住我：「做咩？」

「你搞緊咩？」我問佢。

「仲洗問？」佢有啲無奈：「咪整緊咖哩雞囉。」

「Er…」

佢完全唔比講嘢嘅機會我：「咁你鍾唔鍾意先？」





「鍾…鍾意呀。」我答佢。

「咁就得啦。」

講完，佢就繼續喺我條頸上面整咖哩雞，仲要越咬越大力，成件事都…越嚟越正。

「嗯…」我忍唔住叫咗出嚟。

「小DeeDee，你M底架？」佢問我。





我擰轉頭，有啲怕羞咁扤咗扤頭。

「嘻。」

佢笑咗下，之後就繼續整咖哩雞。

然後佢整整下就…瞓着咗。

呢個時候帶我嚟嘅FD行咗入嚟：「你哋搞咩呀？」

我諗咗諗，都係唔好講事實。

「冇呀，睇住佢瞓教。」

「真係咁簡單？」佢用一個懷疑嘅眼神望住我。