我想喺夜場搵真愛，你陪唔陪我癲？: 二.
我坐喺佢側邊，用手好溫柔咁摸佢個頭。
我想玩，但係又驚佢有咩事，伸完隻手出嚟諗住猜，但係下一秒又縮手返去捉住佢。
「得啦，我哋就住你。」坐係我對面個男仔講。
「好，等我兩秒。」我坐喺佢條腰前面：「可以了。」
跟住落嚟我每一次輸，我飲嘅時候都喺到養緊魚，但喺在場嘅人都當睇唔到，就咁比我過。
時間嚟到凌晨三、四點，原本嗰批人都走得七七八八，所以我嗰枱就比人調咗去細枱，而我同Clover就比人調咗入房。
唔好諗多咗，間房得塊落地玻璃隔開，出面睇得一清二楚，老細只係想我睇住佢，冇其他意思。
我公主抱咗佢入房，然後將佢放喺隔離張櫈，個頭就放喺我大脾上面。
我以為咁大動作佢會醒，但佢係完全好似昏迷咗咁。
時間過得好快，好快就嚟到朝早六點，我準備瞓着，但佢啱啱起身。