我無啦啦同隻芝娃娃交換咗身體，跟住無啦啦又遇上喪屍大爆發: （35）

周圍嗰浸臭屁味同汗味散得七七八八，啲喪屍應該好快又會湧過嚟。

再留喺小巴睇怕都唔安全，除此之外，大家都見肚餓，想去搵嘢食填肚。

呢附近離我地最近嘅係永利商場，只要過對面馬路再轉右就係。

永利商場係比較「up dup」嘅舊式商場，商舖主要都係美甲、美容鋪、飛髮鋪又或者蚊形補習社。

而喺地下地庫有一間惠康，我地打算去嗰度，搵吓有無嘢可以食。





趁啲附近啲喪屍散開咗，我地快手快腳行落車。

過到對面馬路，好好彩咁喺地下執到三條鐵通，總算終於有啲嘢旁吓身。

我地從側門行入商場，入到去見到地下到處雜物，天花板上嘅白光燈一眨一閃。

行咗無幾步，經過一間賣衫嘅鋪頭，突然有幾隻喪屍衝出嚟。

最man最大隻嘅Irene反應最快，佢第一時間揮動手上嘅鐵通，向喪屍作出攻擊。





一身精鋼嘅肌肉，為佢帶嚟強勁嘅臂力同腕力，另外佢出手準繩度亦相當之高，每一吓都係瞄住喪屍個頭嚟扑。

當碌鐵通一嘢扑落去，啲喪屍就會當堂頭破血流。

我同阿明兩個基本上無乜點出手，Irene就打低曬面前幾隻喪屍。

「哈哈！做男人真係爽，無咗對波喺度阻頭阻勢，身體即刻靈活咗好多！仲要下面有條嘢fing吓fing吓咁，感覺好過癮！」Irene一邊谷啲肌肉，一邊笑笑口咁講。

而呢個時候，我突然覺得急尿，想去廁所。





「喂你去邊呀？呢邊落樓梯喎。」阿明問。

「我急尿，去個廁所先。」

「啱啦！我都急尿！」Irene跟埋嚟一齊去廁所。

我好自然咁行入男廁，埋到尿兜前除褲嗰吓，先發現自己家陣無賓周。

Irene企喺隔籬，拉開褲鏈「um」碌撚出嚟屙尿：「企喺度屙尿果然好方便，唔使除褲，就咁拉開褲鏈就得！」

佢揸住碌嘢，對住個尿兜亂咁「啡」。

我就無辦法，只能夠入去廁格度屙。