我嘅職業係專溝人地個女朋友: 12.57

今天跌倒 不用畏高
趕緊探討 修正趁早
往後回想 煉成大將
就靠這一次孤身奮起裡醞釀
 
不需要慌 天定會光
沒白走一趟
在每一次挫敗之中
找到新的方向帶著你倔強
路再崎嶇也懂怎去走

咬實牙關再直上
 
原來剛好 來得好
不算早 也不算太晚最好
昂然闊步 踏荒土
一切苦澀將你蛻變更好
不需懊惱
定能擋開劫數
從前順利過亦跌盪過
這些經過都會是你命裡瑰寶

 
世界很大 還很大
可以的 你可以有更好的
原來不壞 還不壞
可有心跳跟你去探討
這一世界
未來千姿百態
緣分尚未到別怕定會到
要相信一切是最好的安排
 




「柔柔，做咩咁唔開心呀?」郭子安見李思柔悶悶不樂就問。
 
「XXX報社突然取消咗我個offer呀...」李思柔失望地講。
 
「下? 點解嘅?」
 
「佢地話因為上面換咗老闆，突然hold住咗之前批咗嗰啲budget唔比佢地加headcount...」李思柔解釋。
 
「咁黑女? 咁一係再試下第二間? 反正又唔係得佢一間...」郭子安安慰道。
 
「其實之前YYY都比咗offer我，但XXX佢有個專欄係專訪問啲小說作家同戲劇導演，如果我可以喺嗰team幫手，對我寫作實有好大幫作㗎，而且仲可以幫埋你手...」李思柔惋惜地講。
 
「唔緊要啦傻妹，東家唔打打西家，咁你會唔會照take YYY個offer?」郭子安問。
 
「依家得返佢有offer點都要take啦，唔通你養我咩... 不過YYY其實好新，知名度亦唔大，喺嗰度未必拎到我想要嘅嘢...」李思柔繼續灰心地說。




 
「柔柔，既然上天咁安排，你就既來之則安之啦，雖然世事好多嘢並唔會按我地想嘅方向行，但我地要相信上天嘅安排必有佢嘅用意，相信一切都係最好嘅安排，既然已經改變唔到，開開心心咁接受唔係更好咩? 可能最後有意想不到嘅收穫呢~ 嗱，又係聽舊歌嘅時候喇~」郭子安鼓勵道。
 
「哈，你真係樂觀，希望啦，不過首歌係幾好聽幾cheerful嘅~ 」
 
 
三個月後
 
「嘩，柔柔你做咩笑得咁開心?」
 
「郭子安， 你講得真係好啱呀，上天原來真係有佢嘅安排㗎! 今日老闆同我講嚟緊佢地諗住開個新專欄，係專門訪問一啲釋囚，佢覺得我有potential所以諗住比我全權負責呀!」李思柔一見到郭子安就捉住佢好興奮咁講。
 
「咁好? 咁你要比心機呀!」郭子安聽到亦好為李思柔高興。
 
「嗯! 我一定會~」




 
 
「子安，我講你聽呀，我今日訪問咗個釋囚以前比男人呃過攪到好慘呀，但最後又因為咁比佢遇到真命天子喎~」
 
「子安，我今日係個釋囚身上聽咗個好感動嘅故事... 我越黎越覺得我依家份工好有意義，每次聽唔同嘅故事，都比咗新衝擊同靈感我，豐富咗我嘅人生閱歷，我開始慶幸當年XXX最後收返我個offer令我可以做到依家份工，原來上天真係有佢最好嘅安排㗎!」
 
「子安，你實估唔到我今日訪問嗰個竟然係我嗲哋一個中學同學，仲因為咁我知道咗好多我嗲哋同我姨媽嘅秘密...」
 
 
 
 
----------
 
「柔柔!」
 




霎時間，就好似一本已經封塵咗好耐嘅書突然間再被打開，然後一幕幕被遺忘嘅畫面同片段就不斷湧入咗郭子安個腦海入面。
 
佢終於明白點解睇完本書後自己會咁想將佢拍成電影。
 
佢終於明白點解個個搵李思柔買版權佢都唔肯賣唯獨自己要求嘅時候佢一分錢都唔收就賣比自己。
 
因為哩個係佢地之間一直嘅約定...
 
一個佢早已遺忘，但對方卻仲一直努力緊無放棄嘅約定...
 
 
強烈嘅思念令郭子安再忍唔住即刻離開戲院跑去搵一個人。