我嘅職業係專溝人地個女朋友: 12.56

對我好 對我好 好到無路可退
可是我也很想 有個人陪
才不願把你得罪 於是那麼迂迴
 
一時進 一時退 保持安全範圍
這個陰謀讓我 好慚愧
享受被愛滋味 卻不讓你想入非非
 
就讓我們虛偽 有感情 別浪費
不能相愛的一對 親愛像兩兄妹

愛讓我們虛偽 我得到 於事無補的安慰
你也得到模仿愛上一個人的機會
殘忍也不失慈悲 這樣的關係你說 多完美
 
 
「郭子安! Celia飲醉咗呀，你快啲嚟接佢啦!」有日郭子安突然收到李思柔嘅朋友打嚟同佢講。
 
而當郭子安趕到去現場嘅時候，李思柔見到佢就突然拎起咗支咪開始唱咗哩首歌。
 
 




「柔柔我嚟咗接你返去喇!」郭子安聽完就扮無事走埋去想捉李思柔走。
 
「郭子安，你老實同我講，哩首歌我係咪唱出咗你嘅心聲呢~」但李思柔一手撥開佢隻手然後問。
 
「柔柔你醉喇，我地走啦，返屋企喇~」郭子安繼續嘗試。
 
「做咩唔答我呀! 我一直對你咁好，你真係唔知我對你係點? 你唔鍾意我咪直接講囉，點解一時又對我好，但一時又同其他女人一齊? 點解個個都可以做你女朋友，但淨係我就唔得?」李思柔大聲問道。
 
「柔柔你唔好咁啦...乖啦，有咩遲啲我地再講，跟我走返屋企啦...」見周圍嘅人都望住自己，郭子安帶點心痛講道。
 




無論你喜歡誰 請你記住留下身邊這個位置
時常在內心一隅 剩低幾寸 留給這女子
誰共你好 都不礙事 我都會衷心支持
未必所有關係 亦受得起刺激 但我可以
虔誠地 熱戀一輩子 共你也許 真的不容易
喜歡你 最好不要講 安守這位置
 
 
「子安，如果你真係唔可以接受我，咁可唔可以應承我，無論你有幾多個女朋友都好，最貼近你心嗰個位置一定要留比我，就算你唔想我做你女朋友，我都一定要係你最親最重視嘅好朋友，可唔可以?」見郭子安臉又難色，李思柔心一軟又拎起支咪清唱咗另一首歌然後同郭子安講。
 
「你真係醉喇，我地走啦...」但聽完郭子安只係更加難受。
 
「應承我呀!  以我地嘅關係真係咁難咩? 我真係好貪心咩? 我知你唔鍾意我我都肯讓步啦，只係想永遠喺你個心入面有一席位啫， 咁都好過份咩?」李思柔哀求道。
 
「我應承你... 你永遠係我最重要嘅... 好朋友同青梅竹馬...」沒法下郭子安只好講道。




 
「好嘢~」講完李思柔就放鬆晒然後笑住咁醉倒係郭子安身上。
 
「唔只係好朋友，你永遠都係我最愛嘅人， 我只係唔想你受到傷害咋... 你明唔明?」見李思柔已經醉咗瞓咗，郭子安就攬住咗佢細細聲咁喺佢耳邊講。