我嘅職業係專溝人地個女朋友: 12.55

你還記不記得 我們的故事
約定過的以後 變成了什麽
這些年 也會有想你的時刻
想從前多麽愛著 今天就多麽不捨
 
離開你以後忍住沒有回頭
離開你以後慶幸曾經擁有
後來的那個人
一定愛你很深
不像我用稚嫩帶來傷痕

離開你以後我比想像難受
離開你以後祝你快樂自由
愛了你那麼久
可惜沒到最後
我也曾以為你是一輩子
 
曾經幻想世界 只有我們不被打擾
單純總是美好 長大才知道
能永遠 天真的這一句誓言
到最後真的如願 是永遠失去從前




 
「哩套戲一睇就知好舊喎! 」郭子安見到電視畫面就講。
 
「媽咪話哩套<你的婚禮>對佢同嗲哋有特別意義，所以咪專登搵嚟睇下囉~」李思柔解釋。
 
「首歌好慘但又幾好聽...」郭子安就比首配樂所吸引。
 
「咁男主角都真係好慘嘛... 鍾意咗女主角咁耐，努力咗咁耐終於一齊到，又一直咁錫對方，點知竟然因為一句說話就要分手... 唉，其實佢地雖然因為場意外而一齊，但同樣地都係因為場意外而分手，只係講錯一句說話就變成咗一生嘅遺憾...」李思柔傷感地講。
 
「但我都唔明點解男主角要同個friend講驚自己有日會後悔，如果真係救返女主角，咁就算佢真係以後做唔返泳手都值得啦...」郭子安不明白。




 
「佢講嘅後悔應該唔係講後悔救咗女主角，而係後悔搵返女主角。如果佢無搵返女主角，女主角就唔會嚟睇佢比賽，亦唔會有之後嘅意外令佢受傷從而改變咗佢嘅人生... 不過我覺得佢都係因為當時太鬱鬱不得志而講嘅意氣說話多嘅，始終嗰段時間真係太難捱喇，就好似有日你為咗救女朋友而受傷，然後有日你因為咁唔可以再做導演，咁你會唔會後悔?」李思柔嘗試解釋。
 
「但如果無嗰場意外，佢地可能根本就唔會一齊到，亦唔會有之後咁開心嘅回憶喎... 如果係我，真係咁鍾意個女仔，我諗我點都唔會後悔... 」郭子安諗咗陣後講。
 
「你講就梗係易啦，都真係發生喺你身上你就未必咁講㗎喇... 而哩句說話對個女仔嚟講真係好難受，因為見住自己攪到男主角咁佢本身就已經好內疚...」李思柔就有啲唔認同。
 
「如果有日我係男主角咁救咗你，然後我又好似佢咁比你聽到我講驚自己有日會後悔救咗你，你會點?」郭子安突然隨口一問。
 
「咁...我會嘗試照顧返你一世，盡能力去補償令你可以幸福，除非有日你親口同我講你後悔...」李思柔好認真咁諗咗陣後講。
 
「但如果我真係覺得後悔嘅話，我心入面應該會唔想再見到你喎...」郭子安嘗試代入角色咁講。
 
「所以只要你開口講後悔，我就會走唔再煩你唔再比你見囉...」李思柔黯然地說。
 




「哈，我地唔好咁認真啦，講下笑啫~ 我地大家都會健健康康長命百歲嘅~」見大家不自覺都進入咗認真mode，郭子安就笑住講等大家抽離返出嚟。