我嘅職業係專溝人地個女朋友: 9.9

上到大學後，鄺善柔同黎浩明感情keep住都好穩定同恩愛，而喺大學洗禮加上善柔嘅循循善誘下，黎浩明都真係有左唔少轉變，唔再木獨變得有點幽默風趣個人又識打扮左。
 
而雖然同李立仁返唔返去以前咁close，但至少二人都仲可以保持好朋友衣種關係，不時都仲會見面傾偈同hand out。
 
不過喺兩年多後有日，已經好耐無講黎浩明壞話嘅李立仁突然間又故態復萌，同鄺善柔講佢見到黎生同第二個女仔一齊。
 
鄺善柔好嬲，嬲點解李立仁仲要做d咁嘅野。其實當時佢未必真係完全唔信李立仁，但因為細細個就已經受父母薰陶要信任另一半，加上佢想追求一段完美嘅關係，所以佢覺得自己唔可以唔信黎浩明嘅同時下意識亦抗拒接受李立仁所講嘅指控。
 
而要信黎浩明就代表佢要唔信李立仁，所以佢並無理會李立仁嘅”惡意中傷”。
 




不過比佢鬧完嘅李立仁並無就咁放棄，然後過左一段時間後，鄺善柔就因為李立仁嘅邀請下親眼睇住黎浩明帶左另一個女仔上酒店開房，而當佢打比對方亦只係得到對方嘅大話回覆呃佢。
 
親眼所見，鄺善柔無得再唔信李立仁。霎那間，所有野喺鄺善柔心入面都被催毀殆盡。
 
 
男朋友沒有了。
 
完美嘅關係沒有了。
 
自己喺愛情衣環上永遠都唔會再係完美。




 
 
一直以黎鄺善柔凡事對自己都追求完美，加上父母嘅完美示範同教育，佢好希望自己嘅愛情亦可以好似父母咁用”完美”兩個字黎形用。
 
為此，佢有細心選擇最後揀左黎浩明，一個佢真心覺得可以付託終生嘅人，而一齊左嘅衣兩三年，佢亦投入左好多心力去經營衣段關係。
 
本身佢以為自己好成功，一直以黎佢同黎浩明關係都好好，佢亦好開心好proud of自己嘅衣段關係。佢深信自己同對方將來都一定可以好似自己父母咁過得咁幸福快樂。
 
但衣家佢知道自己已經永遠都無可能再好似父母咁有一段完美嘅愛情同關係，因為就算將來再有另一段感情，大家嘅所有野同第一次都再無可能只係屬於對方。
 




 
另外，因為覺得自己幸福又成功，佢其實一直都好希望將自己從父母身上以及自己學返黎嘅愛情觀同相處之道分享比其他人，佢希望世間中所有嘅情侶都可以好似佢父母同埋佢同黎浩明咁過得咁恩愛同幸福。
 
因此，佢除左好樂於同人分享以及說教外，佢仲開始多左個個志願，就係開一間愛情顧問公司去教人正確嘅愛情觀同情侶間嘅相處之道。如果情侶間有問題，佢亦可以比意見情侶去幫佢地解決問題同難關，等佢地都可以好似自己同父母咁幸福開心。
 
但突然間，佢發覺自己衣段關係原來只係自以為好完美，但實質卻係一d都唔美好。如果自己段愛情係咁失敗，咁佢仲憑咩去教人比意見人?
 
鄺善柔自問已經比足200分盡力做得好好，所以佢好想問黎浩明點解要背叛自己，背叛衣段關係。