我嘅職業係專溝人地個女朋友: 9.8

雖然衣件事最後鄺善柔無事而且亦已經過左咁多年，但無諗過衣件事發生後原來卻令鄺善柔自此有左童年陰影。每當自己有危險果陣又無人聽自己電話，電話傳黎嘅嘟嘟聲都會喚醒返佢當年驚慌失措嘅驚恐同回憶。
 
而正因為咁，自鄺善柔果日遇到危險打比李立仁無人聽後開始，前者對後著亦突然失去左一種安心嘅感覺。
 
相反係危難之中出現嘅黎浩明卻反而因此成功入侵左鄺善柔嘅心。
 
當然，衣個其都都係一個引子，事實上李立仁同黎浩明本身嘅性格都有d影響。李立仁鍾意玩成日無黎正經咁，而黎浩明份人雖然木獨同悶，但就比人一種穩重擔屎都唔偷食嘅感覺。
 
而因為衣次開左個頭，隨住兩個人多左接觸鄺善柔對黎浩明就越黎越有一種安心嘅感覺然後對佢亦開始越發有好感。
 




事實上鄺善柔都有諗過到底黎浩明符唔符合到自己嘅要求。不過對方文靜又乖，加上佢都單戀左鄺善柔幾年識得欣賞自己嘅好，又比到安全感鄺善柔，所以就算個人比較悶，鄺善柔都覺得對方可以比到幸福自己。而且鄺善柔有信心自己慢慢調教下可以令黎浩明份人唔會再咁悶，於是兩個人過左段時間後就正式一齊左。
 
不過當時嘅鄺善柔都無諗過衣個改變，會同時間大大改變左佢同李立仁嘅關係。
 
或者因為李立仁唔鍾意黎浩明，所以自從知道鄺善柔同黎浩明一齊左後，佢不時都會同鄺善柔講對方嘅壞話。起初鄺善柔都係一笑置之，但隨住李立仁越講越多，而自己同黎浩明感情又越黎越深，終於佢都開始覺得煩厭同不滿，有次仲忍唔住話左李立仁一餐。
 
而因為咁，之後兩個人嘅關係就陷入左冰點。
 
雖然隨住時間流逝加上李立仁之後都有拖拍，二人關係有好轉返，但就始終一直回復唔到返去大家以前最好嘅關係。
 




不過或者其實本身都未必完全關講壞話衣樣野事，始終兩個人之間突然多左一個人係中間，其實大家嘅感情同priority點都會受影響。