我嘅職業係專溝人地個女朋友: 9.10

「對唔住呀柔柔…我知係我唔岩，係我抵受唔住引誘…」
 
「引誘? 你知唔知點解我當初會接受你同你一齊? 係因為我覺得同你一齊我好安心，你好比到安全感我，但點知倒頭黎原來感覺都係會呃人… 到底我有咩唔好，我有咩做得唔夠你仲要搵第二個?」善柔唔明白。
 
「你無，你一直都做得好好…係我自己唔好，唔關你事…」黎浩明內疚地說。
 
「真係咁好咁點解你仲要搵第二個? 我係咪有咩滿足唔到你?」當時嘅善柔真係唔明白點解，所以佢好想知自己到底有咩做得唔好滿足唔到對方令對方要去搵另一個。
 
「其實我都唔知點解，因為你一直都好完美… 或者出軌本身其實就唔需要任何原因同理由， 如果真係一定要比個原因，咁或者係... 你，始終都只可以係你…」
 




黎浩明一句說話，打破晒鄺善一直根深蒂固嘅價值觀。
 
原來就算段關係幾完美自己做得幾好，都唔代表兩個人可以一直一齊。因為有d野原來係任你做得幾好，都唔會比到對方滿足到對方。或者父母可以咁美滿，只係因為佢地好彩，又或者因為無李立仁衣個角色話比佢地聽對方原來都有出過軌。
 
心入面一直堅信嘅信念崩裂，一直追求完美但卻發現自己一d都唔完美仲一敗塗地，善柔覺得好心痛好羞愧，佢感受到自己心入面某條線好似突然間斷開左。
 
 
既然已經唔完美，咁以後都唔駛咁辛苦啦，不如索性徹底崩壞將自己推向另一個方向嘅極致?
 
 




一個自暴自棄嘅念頭突然喺鄺善柔腦海中生成。
 
 
當然，當時一向乖乖女嘅善柔就算想變壞都無可能可以好壞，所以本身果晚佢都只係自己落左間酒bar，然後瘋狂飲左好多酒。
 
但好不幸嘅係衣個時候，一個魔鬼卻突然向佢走近。
 
因為飲得醉，善柔嘅意識同自控能力已經大大減弱，然後自暴自棄嘅念頭亦因因而不斷膨漲，所以佢無拒絕衣個男人嘅邀請同佢開始一齊飲酒傾偈。
 
而飲到咁上下，衣個男人身上竟然仲有煙草喺身，結果本身已經唔太清醒加上一心變壞嘅善潼就跟住佢開始接觸埋毒品，然後再無意識下咁同佢去左開房…




 
結果，好多鄺善柔一日前肯定自己衣世都唔會做嘅野果一晚佢全部都做晒…
 
到到第二朝起身係酒店見到凌亂嘅床鋪，身邊赤裸嘅男人，房入面仲未完全散掉嘅煙草味，善柔陷入左極度嘅驚慌同懊悔之中…
 
如果之前自己只係愛情關係上唔完美，鄺善柔覺得衣家嘅自己係成個人都唔完美，仲要係污穢同破爛不堪….
 
今次真係一切都已經無可再挽救了…
 
接受唔到咁嘅自己，鄺善柔一時諗唔開就踏上左自殺衣條不歸路….
 
 
臨死前佢突然間係度諗，如果當日佢唔係因為安全感揀左黎浩明而係李立仁，自己嘅結局係咪應該會好唔同? 至少，佢覺得李立仁唔會捨得咁傷害自己…
 
不過後悔又有咩用?




 
一切已經太遲，佢犯左太多嘅錯而衣d錯誤唔係佢所能承受…
 
 
最後佢為左記低自己嘅感覺，記低自己最後發生嘅事，佢一邊食住一支又一支琴晚先開始食嘅煙去舒緩同麻痺自己極度負面嘅情緒令自己可以稍為冷靜，一邊努力寫完衣頁最後嘅日記，然後就毅然離開左衣個世界…