我嘅職業係專溝人地個女朋友: 7.6

「你可以死心啦，我真係對你個friend無感覺呀，我地d喜好仲要完全唔夾…」當我再搵善潼佢就即刻講。
 
「我明白喇，唔會再逼你… 不過我想問，點解你要將自己變到好似善柔咁?」我提出心入面嘅疑問。
 
以前善柔同善潼不論性格喜好同興趣都好唔同，當我聽到軒爺講衣家善潼自己講鍾意嘅野同善柔一模一樣，我就估到佢係故意扮佢家姐，仲要連喜好興趣都扮埋。
 
「咁唔好咩? 家姐一直都咁完美，我好希望自己都可以好似佢咁…」善潼神色一黯咁講。
 
「但咁你唔辛苦咩? 要扮第二個人…」我擔心地問。
 




「其實你覺得自己有幾了解我?」善潼反問。
 
「我由細睇到你大，雖然衣幾年係少左，但我估我應該算係最了解你嘅人之一呀…」我真摯地說。
 
「係咩? 不過放心啦，我一d都唔辛苦呀，家家一直都係我偶像黎架啦~
 
 而且抽離d諗，或者咁都算係等佢可以用第二個形式繼續存在喺衣個世界，唔係真係離開左我地呀，如果我真係學到佢十足十嘅話~」善潼講得好雲淡風輕咁，但我聽到心入面就有d刺痛。
 
「咁鄺善潼呢? 以前肥嘟嘟好可愛又鍾意食野嘅佢咪會消失左囉?」我問。
 




「點會呢? 鄺善潼點變都好，佢都仍然存在係衣個世界上，但家家就唔同，我唔想佢就咁消失…」善潼仍然好似完全無所謂咁答。
 
「唉…你個傻妹…」見佢咁堅決我都唔知可以再講咩好。
 
「其實你係咪有野暪住我呀?」隔左陣佢又問。
 
「無呀… 不過你家姐已經唔係度，諗住試下幫你搵個好歸宿啫… 」我裝作無事說。
 
「有心喇… 我男朋友對我都好好呀~」善潼一臉幸福咁講。
 




 
(好好? 佢已經鍾意左第二個要同你分手喇傻妹… )
 
可惜我偏偏唔可以將事實講比佢聽。
 
 
 
如果軒公都唔得，莫非我真係要自己親身上陣?
 
唔成功就好尷尬，成功再飛左佢就仲尷尬…
 
但如果咩都唔做，佢衣家咁鍾意佢男朋友，我真係好驚Tony同佢講分手後佢會出事…
 
諗多幾諗，我就知自己其實並無選擇，因為所有推託嘅理由，都唔會夠失去善潼大。
 




如果真係可以令善潼移情別戀去我度，至少佢唔會做傻事一定留返條命，然後我到時先慢慢再諗計點可以令佢唔傷心咁對我無痛失戀。
 
起碼衣樣野我可以自己control點做。
 
最差嘅情況，最多咪真係繼續同佢一齊?
 
就當係對害佢無左個家姐嘅補償…
 
雖然咁諗好似好有問題…